اختي الغالية بهيجة
موضوعك من صميم الواقع ،،في من هالصنف كتير وفي كمان الصنف الي يبكي على بنت
كل شخص يتمنى يكون عندو من الشكلين بس اذا كانت ارادة الله هيك قربان اسمو لازم تنقبل بفرحة وبصدر كبير لانو في فالدنية الي يبكون على طفل وما عم يجيهن
عندي صديقة عندها تلات صبيان وكل ما تشوف بنتي نتالي اتريد احطها بقلبها لانو حسرة البنت بقت بقلبها
على عكس سلفتي الي عندها اربع بنات متل القمر ولانو ماكانت راضية جربت وجربت بناتها كبرو واتزوجو وهي بعدها حملت ابن ببطنها //هي خمسين سنة وابنها عشر سنين//ليش مو خطية اتصير متل جدتو ايش طعم الو من ام وابو ولا كان لازم الابن **الله يكبرلا هوي ويخليو**
ومتل ما قلتي يبقى الدلال والترفيه والتبذير عليو هاي الها قصة تانية طويلة
نحني عندنا البنات قليلين ومن شان هيك محبتهن كبيرة بقلوبنا
بس لا اكبر ولا اقل من محبتنا لاولادنا ،قولي لاخوي الياس وهوي تيحكيلكي ،يجي منو تيبيع روحو لبناتو ،واخوي فؤاد عندو وحدة ومدللة على كلياتنا وردة بحديقة كبيرة،اخوي فهمي بنتين متل التفاح وحرمو الله من الاولاد بس معزة هالبنتين كبيرة كتير
الله ايديم اولاد وبنات العالم بالاخير وبهل الوقت لا ابن ولا بنت ،بس ما كبرو تيمشو طريقن ويعيشو حياتهن ةتيتركونا ويزورونا بالسبة او بالشهر مرة هاي هي سنة الحياة الشي الي نقدر نعملو نعطيهن الحب الكافي والصدر الحنون منشان يقفو على اجريهن ويمشو معركة حياتهن بنات مانو والا اولاد
اختك جورجيت
|