أشكركما أختي جورجيت وقريبتي زهرة عى تواصلكما لى باب يلا أغاني
لا تذكرنـي بحبـك يـا غناتـي **
ولا تذكرنـي بماضيـك الجميـل
في صدى ذكـراك بقـزر حياتـي **
مستحيل احـب غيـرك مستحيـل
انت عمرى وانت اغلى ذكرياتـي**
وانت في قلبي ولا غيـرك خليـل
انت عيني لي بها شفت البهاتـي **
وانت لي في مقلة عيونـي نزيـل
لو تقضى عمرنا الوردي وفاتـي **
وانقضى وانزاح شروى حلم ليـل
تصبح الاطلال في فكـري وذاتـي **
في الضمير اتعيش لا يمكن تحيـل
كم تذكرتـي السنيـن الماضياتـي **
لـي تلاقينـا بساعـات الاصيـل
كم على ذكـراك هليـت عبراتـي **
وانت عني يا منى عمرى ذهيـل
صار عمري حزن وايامي حسراتي **
والفرح من دنيتي شـد الرحيـل
كنت محبوبـي واغلـى امنياتـي **
صرت فجاه يالغـلا عنـي دخيـل
حسبي الله عالذي سبـب شقاتـي **
لي سقاني المر عقـب السلسبيـل
اللي بعد مجراك عن مجرى حياتي **
وافرقك عني بعـد عمـر طويـل
يا حبيب الروح بكتبلـك وصاتـي **
ان غديت اليوم في حبـك جتيـل
انشدك بالله لـي طفـت برفاتـي**
لاتخلـي دمعـة عيونـك تسيـل