04-02-2007, 10:12 PM
|
 |
Moderator
|
|
تاريخ التسجيل: Nov 2006
الدولة: هولندا
المشاركات: 6,259
|
|
سندريلا
سندريلا
مرات الاب : بت يا سندريلا اصحي يا بت جاك خابط فى نافوخك
سندريلا : اييييه يا مرات ابويا خمسه وحقوم
مرات الاب: قومى يا بت قامت قيامتـك
وصحيت سندريلا وهى بتأفأف
مرات الاب : يـاله قومي اكنسـي وامسحي على ما نيجي
سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامييير اللى حيختار واحده عشان يتجوزهـا
سندريلا : خدوني معاكو انا عاوزه اروح بليز
مرات الاب : تروحي فين يا موكوسـه بلبسك المهرهر ده انا عايزه ارجع الاقى البيت بيبرق
ومشيت مرات الاب وبناتها التلاته وقعدت سندريلا تعيـط
وفجــأه طلعت لها الســاحره من الميكروويف
الساحره : مالك يا سندريلا
سندريلا : كان نفسي اروح معـاهم الحفله بس لبسي مقطع و موبايلي كارت ولابسه شبشب بصباع
الساحره : ولا يهمك
وطلعت من جيبها الموبايل وطلبت الاتيليه بتاع مدام لولو يبعتو فستان وجزمه اخر موديـل
فرحت سندريلا ولبست وحطت الآيشادو و الجليتور ورشت البرفان
بس الساحره قالت لها : قدامك للساعه 12 لازم ترجعى
انا صعيديه ودمي حامي ومعنديش بنات تتأخر
و لو اتأخرتى حترجعى زى ما كنتى بلبسك القديم وسط الناس
سندريلا : حاضر حاضر اما ساحره رجعيه
bmwخرجت سندريلا من البيت لقت الساحره مجهزة
ركبت سندريلا وراحت ع القصـر
ولفت جمــالها كل الموجودين
و اول ما عين الامير وقعت عليها
راح وطلب يرقص معاها و وافقــت
نظرات .... همسات .... صمــت
ترررررررررن ترررررررررررن
سندريلا : ديه الساحره بتدينى مسج.. يا خبر الساعه 12
وقامت طالعه تجرى قوام وهى بتجرى فرده الجزمه اتخلعت
خدها الامير المعجب و نده للوزير
الامير : يا وزير تـامر
الوزير : امرك مولاى
الامير : خد الجزمه دى اسحبلي صورتها اسكانر
و نزل صورتها فى كل الجرايد و ع الويب سايت بتاع قريتنـا
بنات كتير جدا راحوا و يا سبحان الله الجزمه مجتش على مقاس حد فيهم (آل يعنى سندريلا رجليها رجل معزه )
الى ان شاهدت سندريلا الاعلان عن فرده الجزمه علىقناة ميلودى
وقامت بالتوجه الى القصر وتزوجت هى والامير
وعاشوا فى تبات ونبات و خلفو توأم ملتصق وشويه بنات
__________________
العتــاب خيـــر مـــن الحـــقد
|