[alashoria]

المنحوس .... منحوس


واحد شكله غلبان ويصعب عل الكافرقاعد على قهوة باصص لكوباية شاي قدامه ومتنح!
شافه واحد رزل عامل نفسه فتوة , فقال لما اروح أتحك عليه شوية ،
راح داخل عليه وشادد الكوباية من قدامه وشربها على بق واحد, وحطها قدامه فاضية وقاله:
ما تنساش تدفع البقشيش!!
الراجل راح منفجر في العياط والنهنهة! لدرجة إنه صعب على الفتوة, فخبط على كتفه وقال:
يا راجل ماتعملش في نفسك كدة, معقولة راجل بشنابات يعيط علشان كوباية شاي بخمسين قرش؟!!
قاله: أنا مش بعيط علشان الشاي, بس النهاردة أسوأ يوم في حياتي!
صحيت الصبح متأخرفأخدت الموتسيكل بتاع أخويا علشان ألحق أفتح المحل, بس برضه وصلت متأخر
وصاحب المحل هزأني, ما استحملتش ورديت عليه راح طاردني!
جيت أخد الموتسيكل علشان أروح,لاقيته أتسرق,
رحت أبلغ أخويا, اتهمني بسرقته!
وبعد ما ضربوني في القسم علشان أعترف طلعوني بكفالة
مش عارف حأسددها إزاي!
وحتى لما قررت أنتحر, جيت أشرب كوبايه السم ديه
جيت أنت وخطفتها من إيدي!!!