[joumana]

يا ابن عمي ليش في احلى من اغاني عبد الحليم وام كلثوم وتكرم عيونك هاي اغنية لام كلثوم

أنا وأنت

أنا وأنت ظلمنا الحب بإيدينا
وجينا عليه وجرحناه
لحد ماداب حوالينا
ما حدش منا كان عايز يكون أرحم من التاني
ولا يضحي عن التاني
وضاع الحب ضاع.......ما بين عند قلب وقلب ضاع
ودلوقتي لا انا بانساه ولا بتنساه ولا بنلقاه
أنا وأنت....انا وأنت
*****************
أنا وأنت اللي كنا زمان أحب اتنين وأحن اتنين
وكان أكبر خصام بينا يدوب في يومين...يادوب في يومين
خصامنا ليه النوبة دي زاد
وخلا الخطوة بيننا بلاد
وفرقنا علي طريقين
وضاع الحب ضاع....ما بين عند قلب وقلب ضاع
ودلوقتي لا أنا بانساه ولا بتنساه ولا بنلقاه
أنا وأنت ...انا وأنت
*****************
أنا وأنت ظلمنا الحب بالغيرة
وجبنا للظنون سيرة
وقطعنا الأمل مرات مابين الشك والحيرة
كان الحب بيننا كبير
صغر لما ابتدينا نغير
وبردت ناااااااار.......وقادت ناااااااار
وبرضة مشينا في التيار
وضاع الحب ضاع....ما بين عند قلب وقلب ضاع
ودلوقتي لا أنا بانساه ولا بتنساه ولا بنلقاه
أنا وأنت ...انا وأنت
******************
أنا وأنت نسينا.....حتي نتعاتب ونتصارح
وعز عليك تسيب العند وتسامح
وعز علي أكون البادي وأتصالح
وأصبح كل يوم بيننا ......يفوت اصعب من إمبارح
نسينا رقة العاشقين.....نسينا وإحنا مش داريين
نسينا إزاي كده نسينا... وإيه ده اللي جري لينا
وضاع الحب ضاع....ما بين عند قلب وقلب ضاع
ودلوقتي لا أنا بانساه ولا بتنساه ولا بنلقاه
أنا وأنت ...انا وأنت