[fouadzadieke]

يا آدم اركعْ اركعْ
أحسنْ ما رجلي توجعْ
لازم أطلع علضهركْ
وأمري ما تكسرْ تسمعْ
التفاحة صارت من فوقْ
خايفة أطلعلا وأوقعْ
يلا خلّصني اركعْ
وعن شي القلتو ما أرجعْ
شهّتني هالتفاحة
وعيوني صارت تدمعْ
ولساني عم يتفلفلْ
واسناني بدها تقطعْ.
آدمنا بلّش يركعْ
شايف وضعو عالأربعْ
وحوّا مبسوطة منّو
راحت علضهرو تطلعْ
يمكن أضلاعو انفكّتْ
بس ترضى حوّا وتقنعْ
جابت هالك التفاحة
وصارت بلوة عالمجمعْ
ما كانت حوّا ترضى
بهالشي العندا ولا تطمعْ
ألله قرّر يحرمهن
ومن جنّة حبّو يقلعْ
حوّا وآدم يا خسارة
عشنا من بعدن ندفعْ!