أنا والعذاب وهواك
عبد المنعم السباعي (1955) غناء: محمد عبد الوهاب
أنا والعذاب وهواك عايشين لبعضينا
آخرتها ايه وياك ياللي أنت ناسينا
عهد الهوي خنته وعمري ما خنته ولا بعت أيامه
في حبي خبيته وبقلبي غنيته وعشقت انغامه
وقلت اغني وياك يا قاسي
بعدت عني وفضلت اقاسي
واحتار شبابي معاك والوجد فاض بينا
صابر وبستناك والصبر مش لينا
آخرتها ايه وياك ياللي انت ناسينا
أهل الهوي مساكين صابرين ومش صابرين وبحسدوا الخالي
أصل الهوي غدار فيه القلوب تحتار ما للهوي وما لي
ياللي بحبك حيرت حبي
طاوعت قلبك لوعت قلبي
واحتار شبابي معاك والوجد فاض بينا
صابر وبستناك والصبر مش لينا
آخرتها ايه وياك ياللي انت ناسينا
عيني علي عيونك والرمش في جفونك غادر وظالمني
عينك بتتكلم والرمش بيسلم وانت مخاصمني
وف كل نظره شايف غرامك
ولا قلت مره سبب خصامك
واحتار شبابي معاك والوجد فاض بينا
صابر وبستناك والصبر مش لينا
آخرتها ايه وياك ياللي انت ناسينا