[الياس زاديكه]

أشكر كل من شارك بباب يلا أغاني ...غنيه من الشعر الغنائي

دوامة الأحلام
لكل واحد فى الدنيا دى حلم مصدقه
ومهما قرب منه وقرب عمره مايلحقه
وليه دوامة الأحلام . . بترمينا على الأوهام
وتسحب من ايدينا العمر كله تغرقه
انا كان ليا حلم كبير وقادر احققه
وكنت اقدر اسابق حتى عمرى واسبقه
لكن طبع الليالى تدور . . تبيع اللى عليه الدور
وتاخد بالرخيص الغالى منه وتسرقه
وليه دوامة الأحلام . . بترمينا على الأوهام
وتسحب من ايدينا العمر كله تغرقه
زمانى إندار وعزعليا خيرى وفرقه
ووصى النار تشب لحد قلبى وتحرقه
وانا ماشى مع الأيام . . ولسه مصدق الأوهام
وغيرى كتير وياما . . فى الحبال اتعلقوا
لكل واحد فى الدنيا دى حلم مصدقه