أغنية من الشعر الموسيقيجروحك
ح اقولك كلمة واسمعها
ولو حبيتنى صدقها
جروحك داوى اوجاعها
ولو بالنار ح تحرقها
انا املى فى بكرة و فيك
لآخر حد قلبى شاريك
حياتى جوه بحر عنيك
وخايفة هواك يغرقها
حرام نرمى اللى كان بينّا
ونرجع تانى نتمنى
يكون تانى اللى راح ونعود
نعيش ايامنا فى الجنة
انا املى فى بكرة و فيك
لآخر حد قلبى شاريك
حياتى جوه بحر عنيك
وخايفة هواك يغرقها
متحرمنيش اعيش جانبك
اسيبك يوم وانا بحبك
وليه اندم عشان باختار
ادافع مرة عن حبك
انا املى فى بكرة و فيك
لآخر حد قلبى شاريك
حياتى جوه بحر عنيك
وخايفة هواك يغرقها
حبيبى لأمتى ح استنّى
وإمتى بحبى ح اتهنّى
ولو كان الظروف ذنبك
حبيبى قولى ايه ذنبى