أشكر كل من شارك ودعم باب الأغاني ............ أغنية من الشعر الغنائي
بعد الحرمان
وانا واقف أيام على بابك
مارتاحتش يوم
ويابختك قادر فى غيابك
بيجيلك نوم
دايب من بعدك باتمنى
واقف على بابك باستنى
يمكن قلبك يرحم قلبى
بعد الحرمان
مش باتكلم ع اللى مابينا
ولا كنّا وكان
ولا عمرى ح اجرب يا حبيبى
غيرك إنسان
انا سلمت خلاص لنصيبى
وكفاية ف يوم كنت حبيبى
بس تعبنى الشوق وحنينى
لليالى زمان
دايب من بعدك باتمنى
واقف على بابك باستنى
يمكن قلبك يرحم قلبى
بعد الحرمان