آزخ الالكترونية ...
الاستاذ العزيز فؤاد :
بالاول رح اعتذر عالتاخير بالرد لان مبارح كنت مشغولة كتير و ما قدرت رد عليك
بس انا نزلت كل المقالات يللي بعتا ... و سهرت عليا بلليل و انا عم بقراها ... مقالات رائعة ووقائع و احداث ما بقدر اوصفلك الشعور يللي بيحس فيه الواحد لما يطلع عليا ...
استاذ فؤاد .... بالنسبة للموقع رح اشرحلك بالتفصيل العمل المبدئي يللي قمنا فيه
حجزنا الموقع بسعة 50 MB بشكل مبدئي ... قمنا بتصميم الواجهة يللي شفتا هي عبارة عن واجهة بسيطة قابلة للتعديل و التحسين فيما بعد .... بالنسبة لاقسام الموقع كمان بشكل مبدئي اقترحنا ( الصفحة الرئيسية – ارشيف الاسرة – المنتدى – الغرفة الصوتية – دفتر العناوين – اتصل بنا )
بدنا رايك بهاد الشي و ازا عندك اضافات ياريت تبعتلنا ... و كمان بيلزمنا كم تصميم بالنسبة لاقسام الموقع لان صار عنا كام تصميم رح نفاضل بيناتون
استاذ فؤاد ... باسم الاسرة و الشبيبة نحن هون بالقامشلي بنوجه نداء لكل شخص ازخيني بيقدر يشاركنا في الموقع ياريت يتصل فينا ... لان متل ما سبق و ذكرنا هاد الموقع ما هوي ملك لشخص واحد بس ... و هاد انا ما بعتبرو موقع انترنت و بس هي نقدر نسميا ( ازخ الالكترونية ) رح نرجع ازخ بس على طريقتنا ... كل شخص عندو الغيرة و الرغبة لحتى يسكن بازخ ياريت بيحط ايدو بايدنا و نرجع و نعمر ازخ الحبيبة ....
الدكتور فيليب بيسير ابن عم ابوي ... بوجهلو تحية مني و من اهل البيت كلون و لاسرتو الغالية ....
انا ناطرة المشاركة من الكل ...
الف شكر للكل ...
الرب يكون مع الجميع .... و عزرت ازخ تحمينا كلنا
Jouli hardo
10/10/2005 Monday
|