[georgette]

قصة **Rumpelstiltzchen** //روم?يل شتيلتسخين//
كان ياما كان في قديم الزمان كان في راعي وعندو بنت حلوة كتير،كانو عم يشتغلو بالحقل ،فات الملك على فرسو وشاف كيف عم يشتغلو وكيف عم يحصدو،اتعجب لمثابرة الراعي وبنتو وسالو للراعي**هاي البنت تكون بنتك**الراعي ما صدق حالو من فرحتو ولانن كتير فقرا قال تايجرب يحتال على الملك فقالو**اي يا ملكي هاي بنتي دهب شاطرة كتير وفيها تعمل من التبن دهب**الملك انفتحو ادانو لمن سمع كلمة الدهب وحب يتاكد من الي سمعو**فيها تعمل التبن دهب؟؟ ها الشي صح** الراعي شاف فرصتو هون**اي، سيدي فيها** الملك قالو للراعي**بكرة وج الصبح تبعتلي بنتك للقصر بدي اجربها بس لازم تعرف منيح اذا ما نجحت بدي اقطع راسها وراسك**كمل الملك طريقو وما حط للراعي اهمية ومنشان هيك ماشاف اشلون ضرب الراعي على راسو واشلون اصفر وجو،،،اجا الصبح واخد الراعي بنتو دهب للقصر واعتذرلها على قلة عقلو وطمعو ،دخلت دهب لعند الامير وهي ما عمتعرف لشو هي هون، الملك اخدها بايدها لغرفة صغيرة معباية تبن وقالها**عندك وقت لبكرا حتى تعملين من هالتبن دهب والا تقطع راسكي وراس ابوك**
قعدت دهب على التبن وبلشت تبكي ،فجاة سمعت صوت عم يسالها**شو فيك يا دهب لشو بكيانة**اتطلعت وشافت قزم صغير وبشع كتير وهو عم يتبسم ،قالتلو* انا ما في حدى ممكن يساعدني ،الملك بدو احولو التبن لدهب * سالها القزم *طيب يا دهب شو بدك تعطيني اذا حولتو لك التبن لدهب* دهب اتعجبت من سؤالو وقالتلو* انا عندي هالعقد من دهب اذا تريدو بدي اعطيك اياه* قالها * طيب شوفي هون*وبلش يغزلها من التبن دهب الى ما اتعبت الغرفة ،،انبسطت دهب كتير وعطتهو العقد ،وهو?س اختفى متل ما اجى.
دخل الملك على الغرفة وانبهت و فرحتو كانت كبيرة كتير بس طمعو كان اكبر،،اخدلها ايدها وسحبها لغرفة اكبر من الاولى وقالها **لبكرة عندك وقت والا راسك وراس ابوك** بلشت المسكينة تبكي مرة تانية،فجاة سمعت صوتو للقزم* شو بدك تعطيني اذا خلصتو رقبتك اليوم* قالتلو* عندي هالخاتم دهب فيك تاخدو لو بدك،،وهيك بلش كمان مرة يغزل التبن دهب ولمن خلص،هو?س اختفى متل ما اجى
دخل الملك على الغرفة وبلش روالو ينزل ،عيونو ما تصدق الي تشوفو وطمعو زاد وزاد ،اخدها من ايدها لغرفة اكبر من التانية وقالها** شوفي يا دهب اذا حولتي هالتبن لدهب بدي اتزوجك والا راسك وراس ابوك تينقطعو* دهب عرفت تايجي القزم وكتير انبسطت لمن شافتو ،سالها شو بدك تعطيني هالمرة* قالتلو* ما عاد لي الا سنارتي* ضحك منها وقالها *انت بدك تزوجي الملك وعم تعطيني سنارة اذا بدك اساعدك لازم توعديني انك تعطيني اول ابن يصرلك* فكرت وقالتلو *ما في عندي مفر ،اوعدك،،بلش يغزل التبن دهب ،وهو?س اختفى متل ما اجى..
الملك وفى بوعدو واتزوج دهب وعملو عرس كبير وعزمو كل الحبايب،،فاتت السنة ودهب صارلها ابن ،متعلقة كتير فيو وتحبو كتير كل يوم اتغنيلو وترضعو،،فجاة طلعلها القزم وسالها* اتذكرتيني يا دهب ،اجيتو تاخد الشي الي وعدتيني فيو* دهب حضنت ابنها بعنف وهي عم تترجاه يعفي عنا وراح تعطيو دهبات القصر كلهن بس يرحمها ويخليلها ابنها،، هادا القزم قال** شوفي يا دهب بدي اعطيك فرصة تلات ايام اذا عرفتي اسمي تاخليلك ابنك والا ما في حمة*وهو?س اختفا متل ما اجا
دهب بلشت تدور على اسامي صبيان ،اسامي عجيبة وتكتبها عندها، اجا تاني يوم وقالها* يلا يا دهب شو اسمي* قالتلو* اسمك، بلتهازار،،،كريستيان،،،كاس?ار* كان ردو دائما*لا،،،لا،،،لا* قالها بكرة كمان بدي اجي وهو?س اختفا متل ما اجى...اجى فاليوم التاني قالتلو وهي عم ترجف*يكون اسمك ايريك،،،مارك،،،ماتياس*وجوابو كان دايما*لا،،،لا،،،لا *وفرحتو عم تكبر كل يوم *بكرة يا ملكة وتاخد ابنك معي وهو?س اختفا متل ما جا،، هاي دهب جمعت جنودها وبعتتن يدورو بكل المملكة عن قزم بالغبات، بالجبيل،،وبالبيوت،،راحو ودورو بس ما شافو حدى، دهب قاعدة وابنها على صدرها فجاة دخل عليها طفل من ضيعتها القديمة وهوي عم يلهث *دهب دهب ،انا بعرف شو اسمو لهل القزم، وانا عم دور على الفطر سمعت صوت عم بيضحك ويغني حبيت شوف شو هاد وتصوري شفت قزم عم يرقص حول النار ويغني* اليوم اعجن، بكرة اخمر،وبعد بكرة اخد ابن الملكة، اخ قديش مليح ما حدى يعرف انو اسمي/ روم?يل شتيلتسخين/ وفكرت اجي واخبرك* دهب فرحت كتير وهدتو للصغير كيس دهب وشكرتو كتير كتير
دخل عليها القزم وهوي مبسوط ومفرفش وقالها *يلا يا دهب احزري* دهب بلشت تلعب باعصابو قالتو* يكون اسمك* هانز،، بيات*قالها *لا،،لا ما رح تحزري ،قامت اجت لعندو وقالتلو* والا يكون اسمك/روم?يل شتيلتسخن/ نشفت ضحكتو على تمو وبلش يلعن ويسبسب* لا شو عملت مالازم حدى يعرف اسمي *وفجاة اختفى وبلعتوه الارض وما حدى سمع بعدها شي على /روم?يلشتيلتسخين/ وهيك عاشت دهب مع الملك وابنهن بحب وسعادة والملك اتعلم درس كبيركتير *انو الطمع ضر وما نفع* وتوتة توتة خلصت الحدوتة..
وشو الي فهمناه اليوم يا حلوين
1*انو الكذب عمرو ما كان منيح
2* انو الطمع بيضر وما بينفع
3* لا توعد حدى بشي اذا ما تكون متاكد من وعدك
جورجيت