[الاخ زكا]

طائر صغير الحجم ضئيل الجسم اسمه الكنارى
الكنارى طائر جميل لونه اصفر ف...سفورى
وشه مليان بالبراءه والطفوله والشجن
قلبه مليان بالاغانى والحب والنغم
سبحان الله
الطائر الصغير يمثل موسيقي الله يمثل موسيقي الوجود..يمثل موسيقي الفرح وموسيقي الحزن
طائر الكنارى مرتبط جدا بالنور هو أحد ابناء النهار..تطلع الشمس يغنى تغيب الشمس يسكت
مش بيغنى طول الوقت لكن بيغنى نصف الوقت
باقى الحكايه المؤلمه ان
هذا الكنارى الصغير ابن النهار.. فجأه فقد بصره!!
مبقاش فيه نور ولاشمس ولا نهار يبقي طبيعى جدا ان الكنارى ده يتوقف تماما عن الغناء
بس الكنارى معملش كده!!
هذا الطائر الصغير أدرك بحسه وبراءته ان الشمس موجوده وان النور موجود
حتى وان لم يتمكم هو ان يرى النور
النور موجود
الشمس موجوده
فقال هاغنى!
هاغنى فى الليل!
ابتدأ يغنى فى الليل
ولان الليل بالنسبه له مبينتهيش
ليل مستمر اربعه وعشرين ساعه
اصبح يغنى طول الوقت
درس جميل نتعلمة من طائر صغير
غنوته دايما خضرا حتى فى الخريف
غنوته دايما منديه حتى فى الجفاف
غنوته دايما منوره حتى فى العتمه
غنوته دايما حره حتى لو الجناح مكسور
وأحنا اتعلمنا من الكنارى
هانغنى فى النور وهانغنى فى الضلمة
هانغنى لو جناحنا بيرفرف وهانغنى لو جاحنا مكسور
هانغنى طول الوقت
هانغنى للبلد
هنرفع قلبنا ونغنى لربنا
ونطلب البركه فى كل الظروف

كلمات الرائع
نعيم عاطف