نيجى بقى للفراخ المحشية رز
التتبيلة بتاعتها حبة طماطم مبشورة وعليها رشة فلفل أسود وملح وتبيتيها فى التلاجة لتانى يوم دى الحشوه بتاعتها
الحشوة عبارة عن كباية أرز مش كبيرة مغسوله ومنقوعه من فترة كوب كبد فراخ بصل الطريقة نبشر البصله ونضع عليها ملعقة سمن + شويى زيت ونحطها على النار لغاية لما يصفر لونها
بعد كده نضيف عليها الكبد المقطعة ونقلبها كل شوية وبعد مانحس أن مية البصل بدأت تنشف نضيف لها كوب ماء ونتركها تغلى ثم نضيف عليها الأرز ونضيف بهارات فلفل أسود بهار فراخ وملح بس حكى بهار كتير هى الحشوة بيقها لونها غامق صدقينى هتبقى تحفه ونهدى النار لغاية لما الأرز يبقى نصف سوا
ونتركها تبرد ونحشى بها الفرخة
وبعد الحشو حطيها فى كيس الفرن وعلى الفرن على طول
بس أنا عملتها فى صينيه لأن أكياس الفرن خلصت من عندى
حطيتها فى الصينية وضيفت لها 2 كوب ماء ومستكه وحبهان ولورى وجزر وعود كرافس بكده بتبقى الشوربه
بتاعتها خطيرة وغطيتها بالفويل
ودخلتها الفرن ساعه أو ساعة ونصف على حسب حجم الفرخة
بعد ماأستوت حطيتها فى صينيه تانية وحطيتها فى الفرن علشان تتحمر
الموضوع ده بتاعى ياجماعة وأنا نقلته للمنتدى هنا
وكده خلاص واللى عايز يحلى يتفضل
كنافه محشية لوز وجلاش محشى مكسرات
التعديل الأخير تم بواسطة الياس زاديكه ; 24-05-2011 الساعة 06:56 PM
|