اصبر الروح بيش وانت بيه الروح
واذا تطلع اظلن بس جسد خالي
لكيتك من جنت مالاكي كل الناس
انت اول محب وانت الصرت تالي
يالـ كلك محبه وانت احن مخلوق
معقوله الحمامه اتصير كتالي؟؟
صح ماكو بجمالك انا ادري بهاي
وروجة رقتك ماكظهه كل جالي
حرام عليك تزعل وانت تزعل ليش؟
اجيك انا اعتذر وبلا ذنب خالي
غالي وكلشي عندي ومااهدك دوم
وغالي وهسه احبك جي صرت غالي
احسك تختلف عن كل بقيت الناس
بعيوني اشوفك عالنجم عالي
واشوفن دمعتك ماجنها تنزل ماي
ذهب تنزل دمعتك تجدح اتلالي
الك بستان عمري بكل ثمن مزروع
راضي بكل شي منك كلشي يحلالي
اجيك ومن ارد فارغ ارد للغير
وعنب بس على مودك تارس سلالي
يمك انسى روحي ومن اكون وياك
وعلى فنجان شفتك تركع اذلالي