Forum of Fouad Zadieke - في أستاذ مدرسة أجته بعثة على دول أوروبية،

Forum of Fouad Zadieke (http://www.fouadzadieke.de/vBulletin/index.php)

- نكت (http://www.fouadzadieke.de/vBulletin/forumdisplay.php?f=28)

- - في أستاذ مدرسة أجته بعثة على دول أوروبية، (http://www.fouadzadieke.de/vBulletin/showthread.php?t=5533)

في أستاذ مدرسة أجته بعثة على دول أوروبية،

في أستاذ مدرسة أجته بعثة على دول أوروبية،
فأخذ مرته وراح ، وما في تسع شهور وإلا مرته حامل وجابتله ولد أشقر عيونه ملونة ، فاستغرب الاستاذ وسألها: شو هاد.
فجاوبته:شو بدي ساوي أنت بتروح عالمدرسة وأنا بقعد عالبلكون أوروبي رايح وأوروبي جاية الظاهر إني توحمت على شي أوروبي.
فهز راسه الاستاذ وقلها:ما في مشكلة إذا هيك.
وبعد فترة أجته بعثة على دول جنوب افريقيا وكمان ما في تسع شهور وإلا مرته حامل وجابتله ولد أسود شفافه كبار
وشعره مكزبر، نط الاستاذ وقلها:شو هاد يامرة.

قالت له: شو بدي ساوي أنت بتروح على المدرسة وأنا بقعد بالبلكون جنوب إفريقي رايح وجنوب إفريقي جاية الظاهر إني توحمت على شي جنوب إفريقي.

قلها إذا كان هيك ما في مشكلة.
وبعد كل ها الشغل رجع على بلده على بيت أهله وهونيك استقبلته أمه، واستغربت أشد الاستغراب وقالتله مين هدول.

قلها:
ولادي،
قالتله: وكيف هيك ،
فشرح
لها أن مرته مرة توحمت على أوروبي ومرة على جنوب إفريقي،
فهزت راسها وقالتله : بتعرف يا ابني أنا صار هيك معي وقت ولدتك.

قلها: معقول ماما ولا مرة حكيتيلي ها الشي.
قالتله : أبوك كان يروح على الأرض وأنا قاعدة بأرض الدار، حمار رايح حمار جاية!!!
__________________

والله ياأختي ضحكت مافيه الكفاية ،،، فعلا لحمير يالي زيو بدن هيك مرة تتكيف على راحتها .
أو هيك مرة بدها حمار زي زوجها

وانا كمان اقول الله يسترنا اذا عم هالوعي والذكاء العالم ههههه
محبتي وشكري

فعلا شي بيطق من الضحك الله يخليكي يا جورجيت على بحبشاتكي من وين عم بتجيبيا يا أختي. وأنا كمان عم بقول إني ليش توحّمتو على أحمد شوقي وعمر بن ابي ربيعة وأبو نواس ونزار وغيرن وغيرن منشان هيك عم بكتب وحم!!!!

هههههههه
والله حلوة كتير هالاجابة وشو هالتوحم ما كان اعرف انو الرجيل كمان الن حق التوحم بس يلا مادام طالعلنا هيك شاعر نقبل بالوضع
محبتي يا غالي

بتعرفي
ضليت أضحك وأضحك اضحك.......................واضحك
لحتى تدمعت عيوني
شو بريء ...................................يا حرام
قلتي توحمت.................................ما
شو بريء ..........قصدي شو حماررررررررررررررر
متل ما قالت أمو
بالله من وين عمتجيبي هالبلاوي

يسعدني عزيزي اثرو اني اقدر ارسم البسمة على شفافكن وهاد هو المطلوب ،،الك كل الشكر والمحبة على مرورك الدائم وخفة ظلك

حمار ابن حمار بجد هوي صدقها وطلعت أمو أشطر منو