|
الفرق بيناتنا نقطة
النقطة أديش صغيرة ، بس يا أخي بصراحة مفعولها كتير كبير
!! شلون بقا هيك ، فهمني لشوف راح أعطيك أمثلة : هلأ هنن بيقولولهون غرب .. بس نحنا بيقولولنا عرب :: و الفرق بيناتنا نقطة :: هنن صارو شعب الله المختار ، نحنا صفينا شعب الله المحتار :: و الفرق بيناتنا نقطة :: هنن بيفكرو بإستقلال الشعوب ونحنا منفكر بإستغلال الشعوب :: و الفرق بيناتنا نقطة :: يا سيدي هنن قدرو يعملو بين بعضون تحالف ، بس نحنا العرب عملنا بينات بعضنا تخالف :: و الفرق بيناتنا نقطة :: هلق هنن عندون المواطن وضعو 100% مزبوط ، بس المواطن عنا وضعو 100% مربوط :: و الفرق بيناتنا نقطة :: يا سيدي هنن إذا صار غلط بحياتون بيدورو على حكوماتون وبيعملولها إحراج ، أما نحنا إذا صار شي منسكت ومناكل هوا والحكومة بتعمل للغلط إخراج :: و الفرق بيناتنا نقطة :: أصلاً أنت بتعرف ليش وصلنا لهلحالة ؟ ليش ؟ لأنو هنن بيتفاهمو بينات بعضون بالحوار ، بس نحنا منتفاهم بينات بعضنا بالخوار :: و الفرق بيناتنا نقطة :: و مواطنونهون وصلوا لمرحلة الحصانة ، بينما نحنا مواطنونا لسعتون عم يعيشوا مرحلة الحضانة :: و الفرق بيناتنا نقطة :: منقول |
بالفعل الفرق نقطة واي فرق
تشكر حلوة كتير كتير |
إي والله ياأختي مافي غير نفطة يعني نقطة بينن
|
سلمت يداك اخ الياس على الموضوع الجميل وهو
الفرق بس نقطة والنقطة كبيرة وبتغير كتيررررررررر وبنقول نقطة |
حلوة يا الياس والنقطة تفعل فعلها هنا وهو فعل كبير كما رأينا.
|
صغير وفعلو كبير...حلوة كتير ومية بالمية كل شي مظبوت !!! عجبتني كتير ..يعطيك العافية
تعرف تنقي المواضيع الحلوة!! |
كلمات حلوة يا أخي بالفعل الفرق كتيييييير كبير وأنا موافق 90 % لأن نقطة واحدة غير صحيحة:
الغرب ليس شعب الله المختار وانما شعب اسرائيل - شئنا أم أبينا - هذا ما يقوله الأنجيل واسرائيل بلد شرقي وليس غربي. تشكر على النص ففيه الكثير من العظة. اخوك فهمي |
أحبكم أكثر من نفسي ياإخوتي ويزداد حبي لكم عندما أسمع ردودكم الجميلة على مواضيعي .
أشكركم جميعا ياأحبائي .وأنت ياأستاذتي بهيجة شخصا مننا وفينا . |
مشكور استاذ الياس
الفروقات كبيرة وكبيرة جدا .... ولكن مايميز الغرب عنا هو احترام الموعد قبل كل شئ اشكرك |
أشكرك يادكتور سهيل على مرورك اللطيف وإطراءك الجميل .
فعلا الفرق هويه عبارة عن نقطة ، بس الله إيخرب بيت هيك نقطة سوت بحور فرق ههههه |
| الساعة الآن 10:16 AM. |
Powered by vBulletin Version 3.8.6
Copyright ©2000 - 2026, Jelsoft Enterprises Ltd
Translation by
Support-ar
Copyright by Fouad Zadieke