|
رسالة من حجة عراقية الى بوش
رسالة من حجية عراقية الى الرئيس بوش : هابي نيو يير تحية وبعد وليدي بوش صبحك الله بالخير وهابي نيو يير عليك وعلى كل أمة العم سام أبني .. أني حجية عراقية جبيرة بالعمر ما أحب السياسة وما تهمني أصلا وأني كنت ناوية أظل ساكتة وأبلع بس مثل ما يكولون وصلت حدهه .. بعد ما بيها مجال وأني بصراحة بديت أشك بكل تصريحاتك .. أكو شي مو طبيعي لأن سيادتك كلما تطلع بالتلفزيون تضحك وتبتسم وتحجي عن مستقبل العراق بتفاؤل وأني أضحك وأبتسم وأصدك كل حجيك لأن أنت المفروض رئيس أكبر دولة بالعالم قابل ليش راح تجذب .. شنو راح تخاف من أحد لو تتملق لأحد ! بس يوم ورا يوم بديت أحس أنو حجيك ما أله علاقة بالطركاعة اللي أحنا عايشين بيها .. تطلع وتكول أنو العراق ده يمشي نحو الحرية والأستقرار وأحنا وداعتك راس الشارع مالتنا ما بينا بعد نوصل خاتلين بالبيت مرعوبين .. تكول العراق راح يتمتع بالديمقراطية والعدالة وأحنا أخو خيته يعني (برذر أوف هز سستر – ترى أني هم شوية اطكطك أنكليزي ) أي أخو خيته اللي يكدر يفتح حلكه وداعتك يشتغل السحل والقتل والدريلات .عيوني بوش أني أشوف هاي لو الدش مال ستالايت البيت الأبيض مجيم ومحد مسويله صيانة وما ده يشتغل زين فه ما ده ينقلك الأخبار عدلة .. لو سفيركم بالعراق صاير جذاب .. أي فلازم بعد تتأكد من الأخبار كبل ما تطلع وتصرح ويطلع حجيك مو صحيح .. بعدين ترى عيب كدام العالم مو أنت رئيس دولة عظمى وليدي !! كلها كوم واللي سويته بصدام بصباحية العيد كوم .. أدري ما تكولي شكو مستعجل .. نغصت علينا العيد .. أحنا نريد مثل مو أنت والجلب مالتك كاعدين جوه شجرة الكريسمس تتونسون بضواها وتحتفلون بالنيو يير .. نريد تشد همتك ويانا وتوفر النا الكهرباء حتى أحنه هم نتونس وتوفرنا الأمن حتى نأمن على حياتنا وحياة ولدنا ونعبر وياهم للنيو يير بدل ما كاعد تدك بينا وترجعنا الالاف الييرز لي ورا .. وأخيرا أطلب منك توصي حكومتنا وجنودك علينا وهله هله بينا وبأهلنا تره مثل ما كلت وصلت حدها .. وبالعافية عليك و هابي نيو يير. |
لا والله فهمانة هالعجوز يا حبيبتي سمر ويا ماشالله على هالانجليزي انما حتتة ابواها على قولة عوضين هههههه الله يساعد العراق وشعبها منين رح تجي ولاين رايحة يعلم ربنا مشكورة غاليتي ظرررريفة خاااالص |
اقتباس:
يسلموا ايديج يا أختي سمر زينة حيل زينه |
اقتباس:
ربنا يجيب العواقب سليمة يا رب .. ان شاء الرب يعم السلام على عراقنا الحبيب والجراح تطيب . شكرا على مرورك يا غالية وردك الرائع . |
اقتباس:
|
(برذر أوف هز سستر – ترى أني هم شوية اطكطك أنكليزي ) أي ياأخت سمر هادا كان على الأقل يقدر يطكطك شوي أنكليزي بس أنا فعلا مابعرف ولا كلمة أنكليزي لهل سبب راح أقول ( No Commet ) لأني مافهمت ولا أي كلمة ... تشكري أخت سمر على هاي النكتة الظريفة مواضيعكي الرائعه لرقي المنتدى تقديري ومحبتي ألياس |
اقتباس:
شكرا لمرورك اللطيف اخي الياس |
وليدي بوش صبحك الله بالخير وهابي نيو يير عليك وعلى كل أمة العم سام صدقي عجبني هي من الرساله البداية :D :D :D مشكورة اختي الغالية سمر |
اقتباس:
متاسفة على التاخير لاني لم انتبه للمشاركة . |
| الساعة الآن 09:16 AM. |
Powered by vBulletin Version 3.8.6
Copyright ©2000 - 2026, Jelsoft Enterprises Ltd
Translation by
Support-ar
Copyright by Fouad Zadieke