|
حاجات تغيظ...
حاجات تغيظ... في أسئلة بديهية مالهاش اي لزمة في الدنيا بنتعرّض ليها كل يوم من كل الناس خلـونـــا نشــوف أمثلة *********** إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟ (( أظن ده مش وضع الرقص !!! واضح ان انا هنام )) *********** انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟ (( لا لسه )) *********** والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه (( !!! لاء دانا لسه راجع )) ********** أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟ (( لا.. العربية واحشاني )) *********** مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه )) *********** مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء )) *********** ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟ (( لاء.. هفرطها و أسلقها )) *********** ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟ (( لاء.. طالبها اخنق على نفسي )) *********** أو مثلا في العيد المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير (( أكيد يعني مش هيقولهم البقاء لله )) *********** ,,,المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين (( سبتيله ايه يقوله يارخمة ؟ )) *********** والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟ (( يعني أساسي الواد لسه ما طلعلوش عرق الندالة علشان يقول لأ )) |
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه )) فعلا حاجات ترفع الضغط ياأختي وموبس تغيظ تشكر يالغالي على كلماتك الظريفة ومرورك اللطيف تقديري ومحبتي ألياس |
ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟ (( لاء.. طالبها اخنق على نفسي )) شكرا يا غالية على موضوعك الظريف |
برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟ (( لاء.. طالبها اخنق على نفسي )) اي صدقي فعلا اشياء ترفع الضغط مليح الي ماقالا لاء طالبها مشان اهديها الكي ههههههه تشكري حبيبتي جورجيت مواضيعك دائما لها نكهة لذيذة للقراءة |
الغوالي ابو نبيل ابو فرانس جومانا محبتي وجزيل الشكر لكم ولمروركم العطر والمنعش |
ختي العزيزة جورجيت المحترمة
تحية طيبة فعلاً في حاجات ترفع الضغط واليك . استوقف رجل بدوي سيارة نقل ركاب وعندما توقف مرت سيارة وتطاريرت بحصة وكسرت البلور الأمامي للسيارة . وعندما طلب من الراكب الصعود الى سيارة النقل قال آني مو سافر حبيت اسلم عليك . تحياتي . نبيل |
هههههه اي فعلا حلوة يسلمو ايديك للاضافة الظريفة اخي نبيل وهلا فيك |
إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟ فعلا تحدث كثيرا مثل هذه الحاجات ياللي ترفع الضغط وتغيظ تسلم ايديك ياغاليتنا جورجيت .. |
اهلا فيك نور عيني ام نبيل مشكورة يا غالية وتصير باكبر بيوت متل ما يقول المتل ههههه |
| الساعة الآن 09:04 AM. |
Powered by vBulletin Version 3.8.6
Copyright ©2000 - 2025, Jelsoft Enterprises Ltd
Translation by
Support-ar
Copyright by Fouad Zadieke