|
شي أرحم من شي ... !
شي أرحم من شي ... !
شب بسيط كتير و متديين (مربي دقن و لا بس دشداشة ....الخ)كتب كتابو على بنت الجيران و أخذها و طلعو سيران (نزهة) لشي محل ما يكون فيه ناس لأنو بغار عليها كتير و ما بحب حدا يشوفها حتى لو كانت لابسة حجاب. راحو لحرش كبير و قعدو هنيك بزاوية بعيدة شوي ومو كتير مبينة ، لسوء الحظ الحرش كان عليه شكاوي كتير انو عم يصير فيه تحشيش و دعارة لأنو بعيد شوي عن البلد . دورية جنائية مرت من هنيك و شافت الشب و البنت يللي معو قاموا كمشو الشب وصاح فيه الشرطي : شو عم تعمل هون و لك ؟؟؟ دعارة يا ابن الحرام ... !! هلكتونا الله يخرب بيتكن ، سويتو الحرش كرخانة ... ياكلاب صاح الشب : الله وكيلك يا سيدي هاي مرتي و كاتب عليها كتابي و طالعين سيران بعيد عن الناس . الشرطي : كذاب و لك !!! سمعنا هالحكي كتير .... خدوه لعند المساعد على السيارة اخدوه لعند المساعد ، طلع فيه المساعد و قال : شو عمل هاد ؟؟ الشرطي رد : دعارة سيدي . الشب : لا يا سيدي ، الله وكليك مرتي و كاتب كتابي عليها . المساعد : خراس و لك حيوان ... و قال : خدوه على المخفر لعند النقيب . وصلو الجماعة على المخفر و طلعّوا الشب من السيارة ونازلين فيه خبيط ورفص و بالصدفة كان النقيب طالع من المخفر قام شاف الشب و العساكر عم يضربوه ، طلع النقيب بالشب و لما شاف شكلو مربي دقن و لا بس دشداشة على الشريعة قال للعناصر : شو عامل هاد الحيوان ؟؟؟؟ جماعات إرهابية ... ما هيك ؟؟؟ لما سمع الشب سيرة الجماعات ... صاح بأعلى صوتو : لا يا سيدي ... ألله وكيلك دعارة ... |
قصة مضحكة ومبكية بنفس الوقت * واللي احترق تمو بالحليب ينفخ باللبن * شكرا أخينا المهندس فادي لقصتك الظريفة * |
فعلا نكتة مضحكة ياغالي فادي ... خير الأمور أولها ولو حتى كانت ( دعاره ) ههههه.... صدقني ضحكت على النكتة كتيررر كتيررر .. متل مايقول خليه حبل المشنقة ولا القعدة على الخازوق ... إي الله يكون بعون المسكين يعني راد يهرب من قدام المرزيب شك حالو تحت الشرشروكه . تشكر ياغالي فادي تقديري ومحبتي ألياس |
الخوف يقطع الجوف يا أخي فادي وفعلا نكتة حلوة وطازة تناسب ما يدور في العالم من أحداث من كل لون و طعم حتى أن حاسة الذوق عند معظم البشر انعدمت لكثرة الغث و الفساد الذي حرق أكثر الطبخات! فعلا صارت الدعارة كتهمة أسهل من تهمة العصر والتي هي الإرهاب. الله يجيرنا من الأعظم وكل الشكر لك يا غالي.
|
الله يسترنا من الأعظم وهذا كان الأعظم المسكين أللا بدن يحطو برقبتو عملة !!!
تسلم ايديك يافادي نكتة تحصل كثيرا بهذا الوقت... |
شو بدو يعمل المسكين راح يقبل بالدعارة احسن ما يروح فيا مؤبد يسلمووووو اخي فادي على النكتة الظريفة |
اي سوجو وي اولا مين قالو يربي لحية وتاني شي مني قالو يدور مرتو ،،قي يصير الويحد يطيلع مرتو عالتدوير الله الله ،،تقول يعني تمدنا والله اخي فادي فعلا //شر البلية ما يضحك// تشكر |
المسكين قال تيمشي الحيط الحيط ... ماعرف الحيط تيقع عليو :D
شكرا ً لردودكم الظريفة واللطيفة |
| الساعة الآن 10:24 AM. |
Powered by vBulletin Version 3.8.6
Copyright ©2000 - 2026, Jelsoft Enterprises Ltd
Translation by
Support-ar
Copyright by Fouad Zadieke