|
تفّاحة انشقّتْ نصّينْ. شعر: فؤاد زاديكه
تفّاحة انشّقتْ نصّينْ نامي يا بنتي نامي بغنّيلك من أحلامي أحلى غنّيّه بهالكونْ (مارتينا1) حتّى تنامي! مِنْ لمّا كنتي زغيره كنتي بالعقل كبيره فرحنا شفناكي بهاللّونْ مهضومه بكلّ الدّيره! بنتي حبّوبة قلبي نعمه جيتي من ربّي يا ربّ تحفظها و تصونْ عيونا تا تضوي دربي! أمّورة و عم تنحبّي و الفرحة ما بنخبّي سبحانو خالق الفنونْ بعيونك فرحة قلبي! تفّاحة انشقّتْ نصّينْ من ماما و بابا لتنينْ تشبهنا بطبعا و عيونْ بصلّيلك يا نور العينْ! عم بنّاديكي (تينا) كلمه حلوه تكفينا حزن الفينا شو ما يكونْ بضحكتها عم تشفينا! 1- مارتينا: هي ابنتنا الوحيدة. |
تفّاحة انشقّتْ نصّينْ
من ماما و بابا لتنينْ تشبهنا بطبعا و عيونْ بصلّيلك يا نور العينْ! حبيبتي مارتينا الرب يحفظكي والملاك الحارس يحرسكي وتترعرعي مع الماما والبابا وأخوتكي * شعر رائع كلمات موسيقية تتدفق من القلب * دمت لنا شاعرا معطاءا وإلى الأمام أخينا أبو نبيل |
كل الشكر لمشاعرك النبيلة يا غالية يا أم فرانس وشكرا لتمنياتك الجميلة والرب يخلي كل أولادك وبناتك.
|
بنتي حبّوبة قلبي
نعمه جيتي من ربّي يا ربّ تحفظها و تصونْ عيونا تا تضوي دربي! ربي يديم حبيبة قلوبنا وتفاحتنا المهضومة مارتينا شعر حلو يعطي وردتنا حقها يسلمو ايديك يا غالي ويخلي مارتينا لبابا وماما وعمة بالف خير هههههه |
تفّاحة انشقّتْ نصّينْ
من ماما و بابا لتنينْ تشبهنا بطبعا و عيونْ بصلّيلك يا نور العينْ! كلمات جميلة كتبتها بحق جميلتنا مارتينا الرب يحفظها لك ولكي يا صديقتي سميرة ونعيش ونرقص في حفلتكي يا حبيبتي مارتينا |
نامي يا بنتي نامي بغنّيلك من أحلامي أحلى غنّيّه بهالكونْ (مارتينا1) حتّى تنامي! ذكريات حلوة رجعتنا للماضي لنتذكر طفولة أولادنا وخاصة مارتينا مدللتنا الوحيدة بين أربعة شباب الرب يحرسهم لنا ويحرس أولاد العالم أجمع تسلم ايديك ياغالي وأعرف مدى محبتك لابنتنا الوحيدة الرب يخليلنا مارتينا حبيبة الكل ... وشكرا لكل الغوالي فريدة وجورجيت وجومانة لكلماتهم الحلوة والرب يحفظ لكم أولادكم .. |
الغوالي جورجيت وجومانة وسميرة كل الشكر لكم على هذا المرور المفرح والمسرّ حفظ الرب أولادكم بكل خير.
|
| الساعة الآن 08:16 AM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke