Forum of Fouad Zadieke - رَبنا موجود شعر باللهجة العامّيّة فؤاد زاديكى

رَبنا موجود

شعر باللهجة العامّيّة

فؤاد زاديكى

رَبْنا ما بينسى عبدو ... هيك المكتوب بوعدو

ما في قَبلو و لا بَعدو ... إبنو الفادي في مَجدو

***

خَلّي قلبكْ يا إنسانْ ... بروحِ لِّمْحَبّة عِمرانْ

لا تِحقِدْ عَلْ أي إنسانْ ... درب الأحقاد الأحزانْ

***

سامِحْ عَلْقَدْ ما تِقْدَر ... لا تِتعالى و تِتْكَبَّرْ

ألله مِنْ كِلْ شي أكبَرْ ... لازِم تِتْأنّى و تِصْبرْ

***

هالدّنيا عِمْرَا مَحدودْ ... لازم ما تِنسى لِحْدودْ

و ما تِنسى إنّكْ مولودْ ... و الرّبْ الخالِق موجودْ

***

حاوِلْ تِتْزَكَّرْ ربّكْ ... هُوِّ موجود بقلْبِكْ

لَمّا تُوفي في حُبّكْ ... ما راح تضيّعْ دَربِكْ

***

يِمكِنْ تِزْعَلْ تِتْعَصَّبْ ... يِمْكِنْ تِحْزَنْ تِتْعَذّبْ

بَسْ لا تِنسى هالمَطْلَبْ ... قَوّي إيمانِكْ تِكْسَبْ.