Forum of Fouad Zadieke - الشّخصْ بأخلاقُو يِنْحَبّْ شعر عامّي/ فؤاد زاديكى

الشَّخصْ بأخْلاقُو يِنْحَبّْ

شعر عامّي/ فؤاد زاديكى

يَا بَخْتُو إلّلي بْيِنْحَبّْ ... مِنْ نَاسُو ومِنْ عِنْدِ الرَّبّْ

قَلْبُو وبالُو مِرْتاحِينْ ... دَربُو سَهلْ ومَانُو صَعبْ

حِبّْ النَّاسْ وصَفِّي القَلبْ ... بْعِمْرِكْ ما بِتْشُوفْ الغِلبْ

رَبِّكْ بِيْوَفِّقْ وِيْعِينْ ... ومِنِّكْ رَاحْ يِضَلّْ بْقُربْ

ما مُمْكِنْ تِخْسَرْ إنْسَانْ ... لَوْ أعْطَيتْ بْصِدقْ الحُبّْ

نِيَّالُو صَافِي الإحْسَاسْ ... الشَّخصْ بأَخْلَاقُو يِنْحَبّْ.