Forum of Fouad Zadieke - يا زجّالين

Forum of Fouad Zadieke (http://www.fouadzadieke.de/vBulletin/index.php)

- خاص بالشعر العامّي و الزجل فؤاد زاديكه (http://www.fouadzadieke.de/vBulletin/forumdisplay.php?f=278)

- - يا زجّالين (http://www.fouadzadieke.de/vBulletin/showthread.php?t=2880)

يا زجّالين

وهلاّ راح نحاول نتغزّل بالمطربة الأمّورة والدلّوعة نانسي عجرم صاحبة الغناء الإغرائي والهزّ الإنشائي وكالعادة سأكون أول البادئين:

يا عجرومة روح امّك .. ما أحلا غنوة تمّك
لمّا تهزّي منك الوِسط .. وتحلّي خفّة دمّك
إنتي حلوة و أموّرة .. وبين صحابك مغمورة
صوتك من طعم ملبّس .. الناس تحبّك مسحورة
يا نيّالك يا عجرم .. كل واحد فيكي مغرم
يتمنّى بوسة منّك .. من كل أمراضو يسلم.

لا... والله ...لا

يا حلوة الحلوين جودي بموسمك .. ربّ العلى صانك ونوّر مبسمك

خلّي الشفايف بالورد تتبسّمك .. إنت يا عجرم في الغنا همس وعتاب.

طوفي يا عجرم بالهوى واتدللّي .. حقّك. إلى قلب الحبايب توصلي

فيك الهنا والعمر دونك مو إلي .. لا تحرمينا الحسّ وتزيدي عذاب.

هاتي يا عجرم نغمتك واتفنّني .. كلّ الرشاقة هي إلك بيهالدنه

كل من جفاكي وانعزل عنك فني .. يلاّ يا عجرم غرّدي وكلّك شباب.

إنتي يا عجرم رقّتك فيها الحنان .. متل الغمام السارح بوجد الجنان

كلّك صفاء ومرتجى كلّك أمان .. لا تعتبي عجرم ولا تعلي حِراب.

إنتي يا عجرم مزوقة ومرتّبه .. سبحان ياللّي صوّرك بالمرتبه

إنتي على قلب الشباب منصّبه .. لا تبخلي وقولي: تعالوا يا شباب.

شو هالغزل هادا وشو هالزجل هادا ... مرتب مافي كلام
لكن يا صحابي مانكن عزابي .... انضبوا ويكفي منام
لاتسمع نسوانكن ... هُس .. هُس .. هُس
وتفصفص عضامكن .. فُص .. فُص .. فُص
نانسي الفصعونة لولا المعجونة ... متل كل هالبنات

حقّكن علينا يا شباب .. صرنا على نار العذاب

عم يرتخي منّا الشباب .. وعم ينغلق وهج الكتاب

شو في بقا بعد العتاب .. زاد الحزن ذوّب وذاب.

له يافؤاد .. له يا إستاذ فؤاد ................. كلك حيوة وبعدك شباب
راح العمر بس بنضل شباب ................. والختيرة مالها مكان من الإعراب

يكفي يا حلوه ردّي .. ومن نبرة صوتك هدّي

حاجه تعليك مصدّي .. وكلّ العالم تتحدّي.

حرفك بكتابي مخلوق .. وقدّك عم بعرف ممشوق

لاكن صوتك هالمخنوق .. لازم ما ينزل عالسّوق.

متلك ياما شفت كتير .. وما صابن غير التعتير

لا تتحدّيني بكّير .. مالك عندي حظّ كبير.

إنتي حلوه معكي حقّ .. ماني جايي بابك دقّ

ولو ضلّيتي هيك بطقّ .. كتاب الإنتي فيه بشقّ.

مغرورره علشو بالله؟ .. عالحسن الفيكي يلاّ

وحياتك وحياة الله .. بدّي عضّك من هلاّ!

ماني عم بترجّاكي .. جايي تا إتحدّاكي

شعري هوّي السوّاكي .. وخلاّ العاشق يهواكي!