Forum of Fouad Zadieke - شعر لعرس بنتنا مارتينا و صهرنا ريتشارد لسميرة زاديكه تزَوّجتي و فّرّحتينا يا بنتي ي

شعر لعرس بنتنا مارتينا و صهرنا ريتشارد

لسميرة زاديكه

تزَوّجتي و فّرّحتينا

يا بنتي يا (مَرتينا)

ألف مبارِك من قلبي

يا قلبي هنّيتينا

زغيرة كِنتي و كْبِرْتي

ما شالله و خلّيتينا

نَفرَح معكي بعرس الحبّ

و بالبسمة نوّرتينا

كلّ الإخوة حبّوكي

يا وردتنا يا (تينا)

ربّيناكي عالأخلاق

و عالمحبّة ما فينا

صرتي مِتلِلْ ما رِدنا

تكوني و ما خَجّلتينا

فرحة كبيرة عم بنعيشْ

بحفلة (ريتشارد) و (تينا)

ألله يتمّمْ كِلْ شي بخَيرْ

و بِدنا (بيبي) يسلّينا

يا ربّ العالي تحمي

كلّ الناس و تحمينا

و تخلّي فرحة بنتي

تِكمَلْ و الصّحّة فِينا

و العزّابة عقبالُنْ

يتهنّوا و يفرحونا

نِشكرْ كلّ الموجودين

و اللي حبّوا يشاركونا

بهالفرحة أهلا و سَهلا

بجَيّتكُنْ شرّفتونا.