Forum of Fouad Zadieke - الله يْعِينَك يا لبنان شعر/ فؤاد زاديكى (باللهجة العامّيّة)

الله يْعِينَك يا لبنان

شعر/ فؤاد زاديكى

(باللهجة العامّيّة)

شُو صايرْ (مَرفَاْ بَيروتْ)؟ ... مِشْ مَعْقولْ النّاسْ تمُوتْ

هالمسؤول المِشْ مَسؤولْ ... ما هَمّو جِثِّهْ وتابُوتْ

بالُو مَشغُولْ بصَفقاتْ ... مِش هَمُّ تِخْرَبْ لِبْيُوتْ

مِينْ الجايِبْ هالنِّتراتْ ... عالمرفَاْ خَلّاهَا تفُوتْ؟

ومين الفَجَّرها في آبْ ... دَمَّرْ فيها نِصْ بَيروتْ

قاضِي مِتَوقِّفْ شِغْلُو ... مْوَقْفِيْنُو (تَنِّينْ) و (حُوتْ)

الله يعينَكْ يا لبنانْ ... شَعبِكْ حَيّ وعَمْ بيمُوتْ

بِدّو يهَاجِرْ مِشْ قادِرْ ... والقادِرْ هُوِّهْ (الطّاغُوتْ)

صارْ الدّولارْ المَفقُودْ ... أغْلَى مِنْ قِطْعِتْ ياقُوتْ.