Forum of Fouad Zadieke - طارت الطيّارة شعر/ فؤاد زاديكى طارت الطيّارة ... حَطِّتْ بيت الجارة ما فِهمتْ الإشا

طارت الطيّارة

شعر/ فؤاد زاديكى

طارت الطيّارة ... حَطِّتْ بيت الجارة
ما فِهمتْ الإشارة ... هالجارة يا خسارة.

***
لَمّا عِرْفِتْ إنّي ... لَعيونَا عَم غَنّي
قالِتْ عيفِكْ مِنّي ... لا تِرمي السّنّارة.

***
كِتروا هالطِّلابي ... مِنْ أهلي و صحابي
يِستنّوا جَوابي ... و حياتكْ محتارة.

***
ماني هالمغرورة ... مَعْ إنّي أمّورة
شو شايف بالصّورة ... غير إنّي المِختارة؟

***
قِلْتِلها يا روحي ... و يا بلسم جروحي
رايحْ وينْ ما تروحي ... و الدّنيه دَوّارة.

***
جِيتو طالِبْ وِدّكْ ... عَم إستنّى رَدّكْ
لا تردّيني بصدّكْ ... و حياتِكْ يا جارة.