|
ملت هلازخ قامت لقييمه
ملت هلازخ قامت لقييمه إلى أيمت ياشعب آزخ تيبقون أيدينا مكتفين ننضرب ونصيح آخ مرة من اليسار ومرة من اليمن يكفانا بقى بدنا حقوقنا أتش?رزنا وحتى رجيل الدين قولولي بربكن وفهموني ليش مو نرجع لخطنا المستقيم ؟؟ أينن شبابنا ورجيلنا وختايرنا المسيكين أيني الشجاعه والمرجله أينو ضرب السكيكين قولوا كبرنا وختيرنا وطرنا كما العصيفير مو يكفى نبكي ونمرر وننسى حق المظلومين صدقوني هلازخ قامت لقييمه فراسنا ونحن كلياتنا نيمين يكفى بقى فيقوا وعرفوا وهاتوا أيديكن وخلونا حاسين كل يوم مشاكل وبهدلات ونحن نبقى نطلع وسيكتين تعوا نحكي ونعلي صوتنا ونسمع النيمين والقيعدين صدقوني سكوتنا مو ينفع لاتبقون هيك مخنجرين هادا هوي الموت الحقيقي هلازخنا تعوا تنصير أمير بشان نقدر نقول هادا حقنا ولايبقى لافقير ولا زن?ين ولا ريس يظلم شعبوا ولا نري وحده على التنينير قوربان بيعتكي آزخ وحجيركي لمقدسين هاوارا يانيس والله عيب نخليها مغاره شل مسلمين تقديري ومحبتي ألياس |
مِلّة هلازخ كما الكانت من قبل تتبقى تعيش شالمسيح و شالنور تتبقى تعطي المحبّة و التسامح دايم و تعطي الفدا و القومة و تنزّل الطيور إمّة هلازخ غيرتا فوق ما يتصّور إنسان. قويّة و جبّارة و خفيف تفور جاخل عدو يقرّب صوبا فخرابيّة تري رجيلا أبطال و أسودة و انمور. لا تفزع على آزخ شي من يوم تسمع عو عو سعلب أو مو مو واحد صنّور فكل شعب في بيناموسين و بيه بختين و في منافقين و مأجورين و في بَربور الحنطة الصافية تتبقى و تتعطي السنبل و تنكون عليا و شالبيعة كما الناجور الرجولة مي فالفسفسة و فالفطنة و مي فالقرّتية و تنزيل الأباجور الرجولة فالصراحة و الصدق مو فكلام المالو طعمة يعبر فالظور الرب يسوع المسيح يخلّي شعب آزخ و يبقى عليو صاحي و شخلاصو نحتور الربّ يباركك يا الياس يا حنون على حطّتك اليومة هالقانون و هالدصطور |
كلوماتك طيبه وفشت خلقي وسمعت النحتور فؤادي يقني هلازحنا كانوا قبل كما لنمور بلي أنعل أبو الدنيه الأكتريه صاروا كمل صنور فتنه وملعنيه وحيله وتنبليه ولعنوا أبو الدستور مو يكفى نحكي ونعيط ون?ر?ر ونلدغ كما الزنبور ونزعل هادا ونرفص هاك ونخلي كل واحد مقحور أبواتنا كانوا بمحبة بلي ياخسارة ودوها معن للقبور أيمت تنفتهم ونفيق ونفتح عينينا كما الماجور ونلم ملتنا ونفتح سمنا ونقول نحن أولاد هوك لنسور قواك أخوي كلوماتك كانوا عميقه كما لبحور |
يعطيك العافية ابن عمي الغالي الياس صدق فشيت خلقي كمان شوف أيش كيصير وأيش ميصير بين هلازخنا ياخسارة مويقن من شي الأقراه وشي العينينا تشوفو بلكي الله وي يحسون عالروحن قبل ماتغيب شمسنا ويعطيك العافية انت كمان يافؤاد على ردك الحلو والرب يخليكن فراس بعض وتتألقو أكتر وأكتر وأنا فخورة فيكن كتير كتير ... |
يعطيك العافية ابن عمي الغالي الياس صدق فشيت خلقي كمان شوف أيش كيصير وأيش ميصير بين هلازخنا ياخسارة مويقن من شي الأقراه وشي العينينا تشوفو بلكي الله وي يحسون عالروحن قبل ماتغيب شمسنا ويعطيك العافية انت كمان يافؤاد على ردك الحلو والرب يخليكن فراس بعض وتتألقو أكتر وأكتر وأنا فخورة فيكن كتير كتير ... ألله يعافيكي بنت عمي وأنا كمان فشيتو شوي خلقي .. أي بنت عمي صدقي عم بنشوف وعم نسمع أيش عم بيصير بهاي الدنيا بين شعبنا الأزخيني من خلافات ومنازعات وبدون أي أسباب ... أشكر لكي مروركي المعطر تقديري ومحبتي ألياس |
| الساعة الآن 11:37 PM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke