Forum of Fouad Zadieke - غَنّيتولكي شَتْنامِي شعر/ فؤاد زاديكه مبيرحَا جِيتي لنَوَامِي أريتوكي قِدّامِي قِلت

غَنّيتولكي شَتْنامِي

شعر/ فؤاد زاديكه

مبيرحَا جِيتي لنَوَامِي
أريتوكي قِدّامِي
قِلتو تَي جَنْبي نامِي
و غَنَّيتولكي شَتْنَامِي.
***
كِنْ شَيّعتيلي مَكتوبْ
مِنْ محبوبِه للمحبوبْ
ألله يعرِف فِلّقلوبْ
شِمعاية قلبي كُو تزوبْ.
***
فكري احتارْ و قلبي نارْ
مِنْ وَخْتِلْ رِحنا مِشوارْ
أشْ لَايِجرَى و أشْ لَاصارْ
كُوني عِندي ليلْ نهارْ.
***
إنتِ الحلوِه بطلّتكِي
بقامِتكي و تَطْليعِتْكِي
حَلَّيْتو مِنْ نَظْرِتكي
كِشّي عندي محبّتكِي.
***
تِه ألله يسيكِي شَانِي
و تصيري بينْ اِحضانِي
تِتْنَسَّيني أحزانِي
إنِتي روحي و وِجْدانِي.