Forum of Fouad Zadieke - شِفت بمنامي طير. شعر عامي: فؤاد زاديكه

Forum of Fouad Zadieke (http://www.fouadzadieke.de/vBulletin/index.php)

- خاص بالشعر العامّي و الزجل فؤاد زاديكه (http://www.fouadzadieke.de/vBulletin/forumdisplay.php?f=278)

- - شِفت بمنامي طير. شعر عامي: فؤاد زاديكه (http://www.fouadzadieke.de/vBulletin/showthread.php?t=23805)

شِفت بمنامي طير. شعر عامي: فؤاد زاديكه

شِفت بمنامي طير

شِفت بمنامي طيرْ

حامِل إلي مكتوبْ

فكّرتو يمكنْ خيرْ

جايي منِ المحبوبْ.

قلبي ارتعشْ يا ناسْ

و اتهيّج الإحساسْ

و الشّوق صار كبيرْ

فاض, امتلا هالكاسْ.

عشت الضنا موّالْ

م اللي انكتب و انقالْ

همّي ابتدا بكّيرْ

و اتعسّرت أحوالْ.

كانت حروفو نارْ

عم تحرق الأشعارْ

زادتْ همومي كتيرْ

و اتبدّل المشوارْ.

ليش القهر تهواهْ؟

ليش الهجر تِبغاهْ؟

فكّرتو ما بيصيرْ

تاري رمى بلواهْ.

مكتوبو كان الموتْ

ما في صدى و لا صوتْ

و القلب صار زغيرْ

و اتفركش الياقوتْ.

الشاعر فؤاد المحترم

تحية طيبة
قصيدة جميلة وحتوته منفردة الأداء لك تحياتي .

نبيل

أستاذ نبيل إن مرورك حبيب كالعادة يشفي الظمأ و ينعش النفس. أسطّ لك عبارات شكري و امتناني