|
قصة من قصص أبي !!
قصة من قصص أبي !! قال كان في بقرية عادة سيئة جدا وهي : لما الأب كان يختير وماعاد يقدر يمشي أبنه كان يحمله على ضهرة ويطلع فيه لراس الجبل ويرميه لتحت ويتخلص منه وهاي العادة داومت سنوات سنوات يقولك يوم من الأيام ختير شخص كان حكيم زمانه أجا أبنه وحمله على ضهره وعم يطلع فيه للجبل الأب الحكيم عم يعرف ليش أبنه عم يطلع فيه للجبل قام سأل أبنه وقال : لوين راح تاخدني ياأبني ؟؟ قال بابا بصراحة راح أرميك من فوق الجبل .. الأب الحكيم هز رأسه وقال : أبني راح أقولك نصيحة . الأبن قال تفضل يابابا .. الأب قال : أنت اليوم راح ترميني من فوق الجبل بس لاتنسى راح يجي دورك وأبنك راح يرميك من فوق هادا الجبل راح أقولك آخر كلام نزلني هون أقرب بي 100 متر من الجبل بشان بكرا أبنك ينزلك أقرب بي 500 متر من الجبل . لما الولد سمع هادا الكلام من أبوه الحكيم طبعا وافق على النصيحة لأنه أبن حكيم . قام رجع للقرية وأبوه فوق ضهره . لما أهل القرية شافت رجع الأبن وأبوه فوق ضهره أستغربوا وسألوه شو هي القصة . ؟؟ قالن تعوا أقعدوا وأسمعوني . قعدوا كل أهل القرية وبلش الأبن يحكي ويقول : مين منكن ياشباب يريد أبنه يرميه من فوق الجبل ؟؟ كل الشباب قالوا مافي حدا مننا يريد أبنه يرميه من فوق الجبل . قال : لاتفكروا أنتن هلا شباب راح يجيكن يوم وكلياتكن تختيروا متل أبواتكن وراح يكون مصيركن نفس المصير ياللي راح تختاروه لأبواتكن الختيارين . كل الشباب أتطلعوا في بعض وقالوا : فعلا كلامك صحيح وهاي العادة تلغى فورا !! وبعد هاك اليوم ماحمل أبن أبوه على ضهره للجبل ورماه لتحت بل صاروا يعتنوا بالوالدين ويعزوهم أكتر من أنفسهم . !! أتمنى تكون القصة عجبتكن وخصوصا الشباب والشابات ؟؟ تقديري ومحبتي الياس زاديكه |
فعلا أخي الحبيب أبو فرانس. سمعت المرحوم والدي و هو يروي لنا هذه القصة و هي قصة فيها العظة الكبيرة إن كانت حقيقة أو قصة رمزية. المهم المغزى منها و المغزى طبعا واضح فهو إنساني و مبارك لأن إكرام الوالدين واجب على الأبناء و اليوم لنا غدا لغيرنا. شكرا لك يا غالي.
|
فعلا أخي الحبيب أبو فرانس. سمعت المرحوم والدي و هو يروي لنا هذه القصة و هي قصة فيها العظة الكبيرة إن كانت حقيقة أو قصة رمزية. المهم المغزى منها و المغزى طبعا واضح فهو إنساني و مبارك لأن إكرام الوالدين واجب على الأبناء و اليوم لنا غدا لغيرنا. شكرا لك يا غالي. فعلا ياأخي الغالي كان أبي يسرد لنا الكثير من القصص وهذا لايخاف إن كانت قصة حقيقة أو خيالية مايهمنا مضمونها ومغزاها والعبرة التي تحتويها لشبابنا ولشباتنا في هذا العصر التعيس .. إكرام الوالدين واجب مقدس اليوم نحن وغدا أولادنا !! تشكر ياطيب أسعدني ردك المتألق ومرورك الجميل تقديري ومحبتي الياس زاديكه |
| الساعة الآن 06:14 PM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke