الكِذب شعر/ فؤاد زاديكِى
الكِذب شعر/ فؤاد زاديكِى الكِذب توزّع بين النّاسْ ... كِلْ واحِدْ آخِدْ نِتْفِه حاجْ تبالِغْ يا عبّاسْ ... بهالأوصاف و هالوَقفِه. * ما في بهالدّنيِه رِجّالْ ... إلّا و يكْذِبْ عَلْمَرتو و مَرتو مِتلو نفس الحالْ ... و الأخ يكذِبْ علإختو. * و الموظَّفْ عالدّولِه ... و الدّولِه عالّموظَّفْ جَرِّبْ تِطْلَعْلِكْ جَولِه ... تشوف الواقِعْ تا تِعْرِفْ. * لِمحامي أكبر نِصّابْ ... بيدافِعْ عنْ الموَكِّلْ و القاضي واحِدْ كِذَّابْ ... يِتْبَرْطَلْ ما في أسْهَلْ. و التّاجِرْ سَعْلَبْ حيّالْ ... يِبْلِفْ تَيْمَشّي شِغلو هَمّو و غَمّو رِبْح المالْ ... معروف بأصلو و فَصلو. * و الحاكِمْ في هالبلادْ ... دَمّ المواطِنْ يِحْسي سِرّاق و ظالِمْ جِلّادْ ... حتّى يبقى عالكُرسي. * يِمْكِنْ لِمْعَلِّمْ وَحدو ... واحدْ صادِق مو مِحتالْ عَمْ يعطي كِلْ شي بجَهدو ... مع إنّو مشغولْ البالْ. |
الساعة الآن 10:19 PM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke