georgette
20-05-2006, 05:01 PM
قصة *ام كمة حمرة*
كان يا ما كان في قديم قديم الزمان كان في بنت مهذبة، عاقلة، وشاطرة ،كانت اتعيش مع امها لوحدهن ببيت فضيعة صغيرة، كانت تساعد الماما بكل اعمال البيت، ولانها كانت دايما تلبس كمتها الحمرة الي عملتلها هي امها كانو يقولولما في الضيعة /ام كمة حمرة/ وكان عندها جدة عايشة منعزلة عن الضيعة لوحدها،فيوم قالتلها امها* ورد ،فيك تروحي لعند الجدة وتاخديلها معك شوية خمرة وشوية كاتو، الجدة مرضانة وانا شغلاتي كتيرة،* ورد/ام كمة حمرة/ انبسطت كتير وقالتلها للماما*اي ماما بدي روح لعند الجدة انا كتير مشتاقة لها* حضرت الماما الخمرة والكاتو وعطتها لورد وقالتها* شوفي يا ورد، امشي بالطريق العام ولا تروحي بطريق الغابة وارجعي بكير قبل ما الدنية اتعتم* هاي ورد/ام الكمة الحمرة/ من فرحتها اخدت السلة وركضت لبيت الجدة ومن شان توصل اخفف اخدت طريق الغابة وهي بتفكر* يلا ماما مارح تعرف وهيك بوصل اخفف ،اي شو في بالغابة كل هالقد مخيف*
دخلت للغابة وهي عم تقفز وتغني وما هي من فرحتها حاسة بشي ولا حتى بالبلا الي مخبي حالو ورا الشجرة، وهي ماشية طلعلها ديب كبير وجوعان ،لمن شافها ما خايفة بلش يكلمها* لوين انت رايحة* قالتو* انا اسمي ورد ورايحة لعند الجدة لانها مرضانة اخدتولها معي خمرة وكاتو* هادا الديب فكر منيح وقال لحالو* همممم هاي ورد صغيرة كتير وما رح تشبعني لوحدها من شان هيك لازم اعرف وين هالجدة واكلهمن سوا* سالها لورد* ولك دخليك وين بتكون هالمسكينة جدتك* قالتو* هي لوحدها بالبيت الي براس الجبل وهالق لازم اسرع والا بدي اتاخر* هادا الديب فكر شوي وقالها* شو رايك ،جدتك ما راح تنبسط اذا اخدتيلها شوية زهر* فكرت ورد اي بدها تنبسط من شان هيك بلشت تجمع زهر للجدة وهادا الديب الشيطان ركض بسرعة لعند الجدة وهجم عليها واكلها، لبس كمتها للجدة واتشطح بفرشتها، لمن اجت ورد/ام كمة حمرة/،شافت الباب مفتوح ،دخلت ،قعدت على الكرسي وهي عم تتطلع بالجدة حست انو في شي ماهو متل العادة،،سالتها للجدة
*جدة دخلك لشو عيونك كل هالقد كبار* رجع عليها الديب* منشان اشوفك منيح حبيبتي*
*جدة طيب لشو ادانيك كل هالقد كبار* رجع عليها الديب* منشان اسمعك احسن حبيبتي*
*جدة دخيلك لشو ايديك كل هالقد كبار* رجع عليها الديب* منشان امسك فيك احسن حلوتي*
لمن شافت تمو للديب خافت كتير وسالتو*جدة ل ل لشو تمممك كككبير كككل هههالقد*
قالها الديب *منشان اقدر اكلك احسن حبيبت* وهجم عليها واكلها، هاد الديب شبع وانفخ وما عاد فيو يمشي خطويتن، فكر الآغا تينام لو شي نومة لبين ما تصرف معدتو الاكل، اتشطح وبلش بالشخير لأ وايش منو شخير،حتى انو الصياد جارها للجدة سمعو واتجب* هاي ما ممكن اتكون الجدة ؟ الاحسن انو اروح واشوف شو صايير لانها مرضنة وانشالله خير*
لمن دخل الصياد على الغرفة وشافو للديب وهو نايم وما حاسس بالي حولو ،عرف بالحال شو القصة وقال لحالو* طيب يا ديب هي كانت اخر اكلة اكلتها فحياتك،* اخد سكينتو الحدة وشقلو بطنو وفالحال طلعو الجدة وورد من بطنو للديب، قال الصياد لورد روحي جيبيلي حجارة كبيرة وتعي* اجت ورد وجابت حجار كتير،حشاهن الصياد ببطنو للديب وخيطلو هي وقاللهن شوفو فيو لهالديب ،ضربو عل دنبو من شان تيفيق ،وفاق الديب الشرير،بس لمن اجى تيقوم حس انو بطنو تقيلي كتير وما فيو يرفعها، جمع كل قوتو وقام قال عطشان الآغا بدو يشرب بعد هالاكلة الي تسوى، اجى على تم البير تايطالع مي ومن تقلو وقع بالبير واختنق تحت تقل الحجار
ورد وجدتها شكروه للصياد وانبسطو وشربو الخمرة واكلو الكاتو وورد الشاطرة اتعلمت درس مهم كتير *انو كلام الماما لازم نسمعو
وتوتة توتة خلصت هالحدوتة
والمعنى من قصة اليوم
1* الي بيقوله الماما والبابا نسمعلو
2* انو ما نكلم ونثق باغراب ما نعرفهن وما نروح معهن
3* انو الي يشوف الغلط ويساعد ممكن ايخلص ارواح ويهدي قلوب
جورجيت:) :)
كان يا ما كان في قديم قديم الزمان كان في بنت مهذبة، عاقلة، وشاطرة ،كانت اتعيش مع امها لوحدهن ببيت فضيعة صغيرة، كانت تساعد الماما بكل اعمال البيت، ولانها كانت دايما تلبس كمتها الحمرة الي عملتلها هي امها كانو يقولولما في الضيعة /ام كمة حمرة/ وكان عندها جدة عايشة منعزلة عن الضيعة لوحدها،فيوم قالتلها امها* ورد ،فيك تروحي لعند الجدة وتاخديلها معك شوية خمرة وشوية كاتو، الجدة مرضانة وانا شغلاتي كتيرة،* ورد/ام كمة حمرة/ انبسطت كتير وقالتلها للماما*اي ماما بدي روح لعند الجدة انا كتير مشتاقة لها* حضرت الماما الخمرة والكاتو وعطتها لورد وقالتها* شوفي يا ورد، امشي بالطريق العام ولا تروحي بطريق الغابة وارجعي بكير قبل ما الدنية اتعتم* هاي ورد/ام الكمة الحمرة/ من فرحتها اخدت السلة وركضت لبيت الجدة ومن شان توصل اخفف اخدت طريق الغابة وهي بتفكر* يلا ماما مارح تعرف وهيك بوصل اخفف ،اي شو في بالغابة كل هالقد مخيف*
دخلت للغابة وهي عم تقفز وتغني وما هي من فرحتها حاسة بشي ولا حتى بالبلا الي مخبي حالو ورا الشجرة، وهي ماشية طلعلها ديب كبير وجوعان ،لمن شافها ما خايفة بلش يكلمها* لوين انت رايحة* قالتو* انا اسمي ورد ورايحة لعند الجدة لانها مرضانة اخدتولها معي خمرة وكاتو* هادا الديب فكر منيح وقال لحالو* همممم هاي ورد صغيرة كتير وما رح تشبعني لوحدها من شان هيك لازم اعرف وين هالجدة واكلهمن سوا* سالها لورد* ولك دخليك وين بتكون هالمسكينة جدتك* قالتو* هي لوحدها بالبيت الي براس الجبل وهالق لازم اسرع والا بدي اتاخر* هادا الديب فكر شوي وقالها* شو رايك ،جدتك ما راح تنبسط اذا اخدتيلها شوية زهر* فكرت ورد اي بدها تنبسط من شان هيك بلشت تجمع زهر للجدة وهادا الديب الشيطان ركض بسرعة لعند الجدة وهجم عليها واكلها، لبس كمتها للجدة واتشطح بفرشتها، لمن اجت ورد/ام كمة حمرة/،شافت الباب مفتوح ،دخلت ،قعدت على الكرسي وهي عم تتطلع بالجدة حست انو في شي ماهو متل العادة،،سالتها للجدة
*جدة دخلك لشو عيونك كل هالقد كبار* رجع عليها الديب* منشان اشوفك منيح حبيبتي*
*جدة طيب لشو ادانيك كل هالقد كبار* رجع عليها الديب* منشان اسمعك احسن حبيبتي*
*جدة دخيلك لشو ايديك كل هالقد كبار* رجع عليها الديب* منشان امسك فيك احسن حلوتي*
لمن شافت تمو للديب خافت كتير وسالتو*جدة ل ل لشو تمممك كككبير كككل هههالقد*
قالها الديب *منشان اقدر اكلك احسن حبيبت* وهجم عليها واكلها، هاد الديب شبع وانفخ وما عاد فيو يمشي خطويتن، فكر الآغا تينام لو شي نومة لبين ما تصرف معدتو الاكل، اتشطح وبلش بالشخير لأ وايش منو شخير،حتى انو الصياد جارها للجدة سمعو واتجب* هاي ما ممكن اتكون الجدة ؟ الاحسن انو اروح واشوف شو صايير لانها مرضنة وانشالله خير*
لمن دخل الصياد على الغرفة وشافو للديب وهو نايم وما حاسس بالي حولو ،عرف بالحال شو القصة وقال لحالو* طيب يا ديب هي كانت اخر اكلة اكلتها فحياتك،* اخد سكينتو الحدة وشقلو بطنو وفالحال طلعو الجدة وورد من بطنو للديب، قال الصياد لورد روحي جيبيلي حجارة كبيرة وتعي* اجت ورد وجابت حجار كتير،حشاهن الصياد ببطنو للديب وخيطلو هي وقاللهن شوفو فيو لهالديب ،ضربو عل دنبو من شان تيفيق ،وفاق الديب الشرير،بس لمن اجى تيقوم حس انو بطنو تقيلي كتير وما فيو يرفعها، جمع كل قوتو وقام قال عطشان الآغا بدو يشرب بعد هالاكلة الي تسوى، اجى على تم البير تايطالع مي ومن تقلو وقع بالبير واختنق تحت تقل الحجار
ورد وجدتها شكروه للصياد وانبسطو وشربو الخمرة واكلو الكاتو وورد الشاطرة اتعلمت درس مهم كتير *انو كلام الماما لازم نسمعو
وتوتة توتة خلصت هالحدوتة
والمعنى من قصة اليوم
1* الي بيقوله الماما والبابا نسمعلو
2* انو ما نكلم ونثق باغراب ما نعرفهن وما نروح معهن
3* انو الي يشوف الغلط ويساعد ممكن ايخلص ارواح ويهدي قلوب
جورجيت:) :)