اي شو هالنكد يا عم

[georgette]

أسامة : دايما دموع ، دموع ، دموع ، دم دم دم ،
هيثم : لا لا ما حلوة سماع هالنكد قال: في ناس بتحب تاخد كل حاجة مع أنها مش محتاجة ، و ناس بترضى بأي حاجة ..
أسامة : لك عمي هيثم

هيثم : عيونو
أسامة : ليش نحنا دائما منغني أغاني حزينة و معتة و كلها مئت ؟
هيثم : لأنو نحنا هيك طبيعتنا ، على فكرة مو بس نحنا ، كل الشعب هيك
أسامة : مممم ، يعني مافي أسباب تانية قد تؤثر ؟
هيثم : لا مافي ، يعني شو بدو يكون في؟؟ عايشين أحلى عيشة ، رواتب و عم تكفينا و تفيض و أحيانا عم ندفع زكاة ، و احترام ، مافي بلد قدنا بتحترم المواطن ، لك عنا حرية رأي و لأ مو بس هيك ، بيشجعوا هالشغلة كمان ، عنا حرية إعلامية ما بتحلم فيها أوروبا و الدول المتغدمة لأنو نحنا منشجع الإعلاميين و خصوصا الإعلاميين المتميزين خريجي الجامعات ، لك الطالب من ولادنا بس يتخرج من الجامعة دغري بيلاقي شغل ، لك يمكن بنفس اليوم يا زلمة ، بعدين صحي ،جامعاتنا من أحسن الجامعات ، لا رشوة و لا فساد و لا محسوبيات و لا واسطات و غير هاد و هاد الدكاترة مافي منهن و بحياتن ما جابو أسئلة من برا المناهج أو أسئلة تعجيزية ... لك يا زلمة شو بدي أحكيلك لأحكيلك
أسامة : مزبوط حكيك يا سيدي ، لعما يا زلمة شو نحنا حزاينية و مئتين ، لا و مو بس هيك و جاحدين للنعمة
هيثم : هات غنية من عندك لكان على هالسيرة
أسامة : طبانانا حب ليلى وحب لولو طبانانا
وانا يا بتاع الفل .. يا بو ألب زي الفل
لو النهارده ورد .. بكرى حايبئا فل

[نبيل يوسف دلالكي]

العزيزة جورجيت المحترمه
تحية طيبة وبعد
مناقشة حلوة ياوردة المنتدى والله منوره المنتدى .
الف شكر لكِ على تنزيل الصور على الفصائد البدوية وما هو رأيك بقصيدة // قالت سميره / / مشكورة مواضيعك دوماً جيدة موفقة تحياتي لجميع الأهل يا ام ماتياس .

اخوك نبيل

[georgette]

تشكر اخي نبيل على مرورك
وبالطبع اعجبتي قصيدة سميرة كما تعجبني كل قصائدك واكثرها البدوية فانت تكتبها بريشة مبدعة ولها طابع لذيذ جدا
اما عن الصور فقد وعدتك باني سانزل من حين لاخر بعض منها