الرجّال ال?مّ

[fouadzadieke]

* وَرَكْ يا مَرحوم الإمّ والأبو ... قَي مو تعرفْ تِه إزّا الرجّالْ ما منّو خيرْ؟ أشقدْ كرّة احتجْنَهو.. كرّة منْ هَوك الكرّات ولا يوم من إيّيم ألله.. مدّ إيدو فجيبو .. وطيلع قرشْ منّو.. تقول بلكي كنْ عصيو فجيبو فلزّاق, والاّ فمو?ِنكه, أو تقول بلكي كنْ خيّطن فجيبو! هَما لا كا كا عندو.. كا تنقول غمّ ماكو.. بس مو مصاريو نار موتخلّصنْ. وهوّه طمّاع الويحدو و?ِمّو.


ألف كرّة حوّجنا روحنا ليو! ما جا قِدّا الحملْ.. وبوش نيس قالولنا إشكرا.. لا تحوجون روحكن ليو.. ما كو منّو فيده... كسير نيس قبلكنْ راحوا وحلّقوا روحنْ قدّامو.. قرش أشنو شالعجب! ما طَلعْ من إيدو! وهوّه شروحو وه... لا لهو ولدْ ولا تلدْ. كو من شجرة مقطوعة ... وهكا مات تيروح مالو كلّو فطيس!

فرن? أشنو ما كَيصْرِف علْروحو... طلّع أش ?ِرْطالات كيكو عليو.. اتقول بلكي واحد ام?دّي وه!

ما راح سَبّة فالحالة... عطاكنْ عمرو (عمرو شانكن و شزغاركاتكنْ).. تقول بلكي كنْ دعوا عليو! جَتْ لحكومة تتقرّش أتطلّع أش كولهو. وأش مالهو! أش كيكو فبيتو! أش أقولّك تقولّك! شي لحكومة أرتو فعينا... ما سَدّقِتو!

أرت سبعة غَويريف معبّايين ومختومين ليرات زهبْ من هوك إمّ الرشّادي والحميدي, وأشقد مصاري أروا عندو. يخرب بيت أبوهو من أينْ جاب هلقدْ شي؟ كشّي راح شالدّولة, وهلقد حرَم روحو.. وهلقد زعّل نيس من روحو.. إلى ته ما واحد منّن قال: ألله يرحمو! ويجا ?يا نيسْ تحلّ الرّحمة عرّوحن؟ صاروا الشِّعب يسْهَلون بعظ!

[الياس زاديكه]

صدق أخوي فؤاد ?يروكتك بوش بوش كيطيبي ، أو كوتعطي شيرورات شا كل الأنسانات ، بس خوزي فروحو ألعندو مصاري أو يعرف أشطوف ياكلن قبل مايسوسون أو إيروح تعبوا أوشقاهوا بولي
فزور .
قواك أخوي فؤاد .

أخوك
ألياس

[fouadzadieke]

شكراً يا أخي الياس

كو فتحتو إزّا الكشكول الأزخيني شكلشي من قصص وحكّويات أزخينيّة! كعرف كيكو عندك بوش منّن واتّيق كلّ دقّة اتسه عشرة. اليوم سيتو أربعة إلى هلاّ كوكتبتو منّن انتين. لازمو نعيّش لهجة أبّهاتنا وأجدادنا. ألله يقوّيك يا أخوي الياس! صار كل شي عندكن تمام؟ والاّ هيش؟

[دكتور سهيل]

فرن? أشنو ما كَيصْرِف علْروحو... طلّع أش ?ِرْطالات كيكو عليو.. اتقول بلكي واحد ام?دّي وه!.........
لك يا أخوان من اين تجيبون هالمخزون من كلماتنا الحبيبة
شكرا لك اخ فؤاد واخ الياس امتعتونا والله

[fouadzadieke]

بوش بوش ممنونك دكتور سهيل اليومه بس كو كتبتوا سبعة من هويا ما صارلي فرصة غير كم وحدة أحط هون! كل يوم تتقرون شيّات من هيام قبل. هه ?اخل هوك مرحومين اجدادك واجدادي كيشتغلون! قي مِنْ نحنه أولادن يابو؟؟؟