زجل بين ألياس وفريدة !!

[فريدة زاديكه]

كانت اليوم الشمس محرقة ببلدتنا ، جلست زوجتي فريدة على البلكونة وسمعتو صوتها تناديني بهذه العبارات ، فأسرعت إليها مستجيبا دعوتها لي وتم هذا الحوار بيننا :

عصافير الحب :
فريدة قالت :
حبيبي ألياسي
تعا معي عالبلكون نقعد عالكرسيين
ونشرب من القهوة قدحين
ونكتبلنا كلمتين
تانبعتن لمنتديات الحبيبين
فؤاد أو سهيل الغاليين
رجع ألياس :
فريدتي عم بستنا هالحكي صارلي يومين
جيبي القهوة وتعالي راح أحضنكي باليدين
بس لاتنسي أريد منكي بوستين
وحديه عالخد والتانيه عالشفتين
فريدة:
بوركت ياحبيبي ياقرة العين
لوين أنت رايح مني لوين
أستناني أنا جاي معك جاي
ونقول مع بعض غنايه وحكايه
ونطرز قصيدة بخيوط دهبية وبنايه
ألياس :
أنا ماني هربان منكي ياقمر الزمان
تعالي راح فرجيكي شي ماهو بالحسبان
وأغوص ببحر حبكي واتعلم السبحان
لا تنقذوني ياناس أتركوني بيه غرقان
فريدة :
خدني معك خدني على بساط الريح
ونطير لبعيد من غير مانستريح
هونيك فوق الغيمة لوين ماأخدنا الريح
نبني عش جديد أو ندفن الماضي الجريح
ألياس :
ياوردة بيتي أو هادا البستان
معكي مانيش خايف لأني بأمان
أنتي محبوبة مني ومن الخلان وحتى الجيران
ربي يحفظكي لي سندا طيلة الزمان
فريدة :
لحظات بظن حالي في زورق بدو يغرق
لما بتطلع بعيونك بستنجد تايخلصوني
ولشاطئ الأمان ياخدوني
مافي أنس ولا جان بس أنا ،، وأنت كمان
ألياس :
أنتي الأمل .. أنتي الغنيه يللي بغنيها
أنا السما وانتي النجوم فيها
أنا الحديقة وأنتي الزهور فيها
ربي أحفظها ولا تحرمني منها
فريدة :
مقامك في القلب محفوظ يابعد عمري
والله ماني سائلة على عمري
أتمنى عمرك ماتشوف ضيم
ولا يجيك سواد الليل
ألياس :
حبكي فريدتي مالك كياني
يسري في دمي وفي وجداني
أريد أن أراكي دائما أمامي
صورتكي ما تفارقني حتى بمنامي
فريدة :
ياعصفورة الحب المزركشه
خديني عاضهرك أنا وحبيبي
تنشبع حكي ووشوشيه
ونحلق بها السما بروح مفرفشيه
ألياس :
واغنيلك .. أنا وانت ولا حدي تالتنا
وبنقضي تحت ضو القمر سهرتنا
ويلتموا الحبايب عاصوت غنيتنا
ويشاركوا معنا فرحتنا
فريدة :
دنيا تانييه وسما تانييه وحياة تانييه
خيال في خيال مافي ليل ولا نهار
مافي خصام ولا قتال
إحنا الأتنين أحلا حبيبين
قلب واحد في جسدين

محاورة زجلية بين ألياس وفريدة

[fouadzadieke]

يا غزل الحبيبن
الياس وفريدة الحلوين
ما صرنا مّنو شبعانين
وبقينا من سكرتو دوخانين
الله يهني كل العاشقين
ألله ينور طريق المحبين
شوف زجل الياس وفريدة وصل لوين
حلاوة ورقة وعذوبة وحنين
تهانينا لسمر أحلى حبيبين
ولزجل أفضل عاشقين
احترقنا وانكوينا فيو من ساعتين
مبروك وليلة دخلة بعد خمس ابنين
يالله غنّوا أغاني الفرحانين
منشان يفرحوا العشيقين الفريدين.
شكرا إلكن يا الياس ويا فريدة على هالغزل الجميل.

[SamiraZadieke]

اللههههههههه أحلى زجل لاحلى حبيبين الله لايحرمكن من بعض يارب .رائع ..رائع زجلكن...شو هالسحر والجمال...عيشتنا شوي بالأحلام.... ونريد المزيد..

[بهيجة كبرو اسحق]

احترت باي اسلوب اصف هذا الزجل الجميل

الله على الحب يا اخ الياس واخت فريدا
زجل حلو كتير و كلمات احلى واروع
شكرا لكما اخت فريدة واخ الياس وربنا يكمل مسيرة حياتكما بالحب والسعادة الابدية
محبتي

[georgette]

ياسلااااام اي شو هالغزل يا غزال انت
نا فريدة عطيتيو القبلتين والا دفشتيو دفشتين وقلتيلو استحي يا مزغلل العينين ههههه
من جد حلوة كتير يسلمو ايديكن انتن الاتنين

[athro]

لكم تحيه من القلب
بتمنالكن أيام كلها
حب... وعشق... وتفاهم

مافي أحلا من هيك
الىىىىىىىىىى المزيد
ما بينفع الرجال بعد ما يكبروا الولاد..... غير مرتو............ ولا المره غير جوزها
ونيالو يلي يعرف يريح .....ويرتاح


اثرو

[joumana]

ياهيك يا بلا شو هل المحبة يا حلوين الله لا يحرمكن من بعض تسلامو كتير حلو هذا الزجل

[الياس زاديكه]

أخي فؤاد نشكرك أنا وفريده
كلامك حلو متل الجريده
المحبة ربي علينا وعليكم إيزيدا
وهذه الأخبار عليك موش جديده
عزيزتي سموره أنتي مابيلزمكي أحلام ،،، لأن الحقيقة أمامكي ودا موش خيال

أستاذتي بهيجة نشكر لكي مرورك الكريم وكلماتكي المنعشة
يا ?يور?يت لازم تعرفي أخوكي كان شربان شي خمس قناني ويسكي وإلا ماكان راح يكشف عن أحاسيسه
حبيبي وصديقي أثرو .. الحياة مشتركة إن شئنا أم أبينا ،، بقى لازم مرات نفجر أحاسيسنا ،، وإلا مافي لاأكل ولا حتى النوم ببيتنا .
إبنة عمي جومانا أشكركي على كلماتكي الرقيقة والناعمة عن قلب صادق