كلنا بيلاطس
كلنا بيلاطس
مهما غسلت ايديك وقلت أنا طاهر
زنبه حيبقى عليك ولو انه مش ظاهر
بريء حكمت عليه وقلت مش قادر
لكن الظلم فيك عماك يا فاجر
لما الجموع زعقو اصلبه وانت ملكهم
قلت حييجي الفرج وتهدى ثورتهم
ولا سمعتش مراتك تقولك اوعك تصدقهم
وبسفك دم البار اوعك تشاركهم
خسرت ملكك ونفسك لما رفضت البشارة
وكنت قادر تغير مسيرة الكون باشارة
وفرصة العمر جتلك وضيعتها خسارة
لما وقفت اتحاوره بأفكار شر ومرارة
امرت بجلده يمكن يهدو كدة وترتاح
ومن بعدها تتركه لكن زادو الصياح
يسوع دة اصلبه وملكك علينا مباح
والشر أعمى عينيك وعفيت عن السفاح
وفي كل يوم بيلاطس ينولد باسم جديد
يعيش عالأرض فاكر حيبقى لعمر مديد
ما بيفكرشي بمصيره ويتجاهل المواعيد
ويسوع لسة ينادي ماتكونش اليوم عنيد
اسمع وافتح له قلبك تنولد من جديد
تعيش عمرك بنعمة وبركة كل يوم تزيد
وتنول حياة أبدية في ظل رب مجيد
قبل الصليب عشانك وقام بنصر أكيد
|