صباح ا لخير يا قلبي صباح الروح يا غلا إنسان
صباح الطيب والبسمه صباحك داخل عيوني
صباح المسك والعنبر ..صباح الشوق والحنان
صباح صبح للعالم. وصباح الناس للكوني
صباح القاف والمعنى.. صباح البحر..والأوزان
صباحك شعر والحان ترنم داخل شجوني
بربك قلي شخبارك بعد ما جـــيــت لــك ولهان
حبيبي صدق بوجودك تعال وناظر جفوني
اناظر وجهك البارق واتوه بعالم النسيان
وربي بعد ما أشوفك تزايد عندي جنوني
لقيت بصبحك الدافيء جمال الرسم والألوان
بصراحه ..يوم ترسملي تجمل رسمي وفنوني
سرحت بطيفك الرائع كأني ساكن بستان
وحولي ناس من ربعك حفيقة صدق حبوني
حبيبي والله أحبك وإذا ناوي على برهان
ابثبت لك مدى حبي.. وأبيع الناس لاجوني
تعال وناظر أشواقي كأن بداخلي إنسان
ينادي للعرب ويصبح ..امانه لا تلوموني
سحرته ببسمة شفاتك تدلع كنك الغزلان
سحرته ببسمة شفاتك تدلع كنك الغزلان
تبختر دايم قباله.. يصبح اليوم مفتوني
تلعثم يومك تنادي ..تقول اطربنا يا فنان
نسى شعره / نسى فنه/ تغير عنده اللوني
جريح جاي يصبح لك جريح جايلك عطشان
فقد صبره بعد ما شاف جمالك ألف مليوني
يا عمري فدوت عيونك ملوك الصين واليابان
ومعاهم كل من قالوا تفضل ..ثم حيوني