|
اذا ماضحكت اكيد راح تبتسم...
مرة واحد ماشي في الشارع فقابل واحد ثاني شكله مش على بعضه ومستعجل كثير ويقول : لو سمحت من فضلك شلحني الجاكيت .. فالاولاني قال له : نعم؟ فالثاني قال : شلحني الجاكيت بسرعة حاضر.. حاضر وراح مشلحه الجاكيت لو سمحت هسا شلحني الكرافي إيه؟ اه الكرافي ..الكرافي بسرعة حاضر.. حاضر وراح مشلحه الكرافي وهو مستغرب كثير من الرجل الغريب هذا : ها يا سيدي اي خدمة ثانية؟ اه .. سامحني فكلي زرار القميص لااااا هيك زّودتها كثير .. هيك بتوخد برد وبقلب عليك بنزلة حادة تاخد أجلك. من فضلك فكها .. بسرعة .. ارجوك افففففف.. وهذه زرار قميص خلص فكيتها. شو اية اوامر ثانية؟ أيوا شلحني القميص يا سيدي عيب .. ما يصحش هيك .. احنا في الشارع خلي عندك دم. ارجوك .. ارجوك بسرعة ما فيش وقت .. شو هالوقت المهبب هذا انا شو الي جابني على هالشارع وهذا القميص يا عمي اي اشي ثاني ؟ ارسملي على ظهري خطوط بالطول وخطوط بالعرض لا هيك الاشي زاد عن حده .. انت مجنون يا زلمة ؟؟؟؟ مجنون ؟؟ من فضلك .. أرجوك رسمتلك بالطول وبالعرض رقملي هسا المربعات الي رسمتها على ظهري بالأرقام من 1 إلى 40 يا صبر أيوووب .. هسا انت معطلني كل هالوقت علشان تلعبني سيجا ؟ بسرعة لو سمحت .. أرجوك رقمهم .. من فضلك مش قادر .. بسرعة يلا .. طيب رقمتلك اياهن .. طيب هسا لو سمحت حكلي داخل المربع رقم 33 لانه الظاهر في اشي قرصني.. اوعوا تروحوا لهاك الشارع ها |
[QUOTEطيب هسا لو سمحت حكلي داخل المربع رقم 33 لانه الظاهر في اشي قرصني.. اوعوا تروحوا لهاك الشارع ها][/QUOTE] لا لا أكيد ما راح نقرب على هالشارع مسافة شارعين. شو بدنا بهالبلوة و اللبكة اللي مو لازمة. قال حك المربع 33 قال. يخرب بيته شو معرفه إنه منطقة الحك هي في هالمربع؟ و الا على مبدأ: يا رب تيجي بعينه؟ شكرا يا غالية صدقيني ضحكت كتير بعد طول انتظار لشوف شو بالنهاية راح يصير معه. يسلموا ايديكي. |
صدق استاذ فؤاد ان تعليقك كان اظرف من النكتة مشكور ياسيدي وربنا لايحرمنا من مرورك الجميل... |
طيب هسا لو سمحت حكلي داخل المربع رقم 33 لانه الظاهر في اشي قرصني.. أي وهوي شو معرفه بأنو أنقرص بالمربع 33 أي معناها هادا كان عالم هندسي من هيك عرف وين يقع الرقم 33 على خارطة ضهرو فعلا عجبتني هالنكتة أختنا الآشوريه .. تشكري على روحكي المرحة ومواضيعكي الرائعه لرقي المنتدى تقديري ومحبتي ألياس |
اي صدق مابعرف هوي شلون عرف بانه انقرص بالمربع المشؤوم هذا من ذوقك يااستاذ الياس بأن النكتة نالت على إعجابك مشكور استاذي لمرورك الجميل وحضورك الدائم... |
:D هههههههههههههههههههههههها :D مافهمت ولا شي صدقي لان ضحكت لان مافهمت ولا شي من هل النكته مشكوورة ضحكتيني على شو مابعرف |
هههههههههههههههههههههههها :D مافهمت ولا شي صدقي لان ضحكت لان مافهمت ولا شي من هل النكته مشكوورة ضحكتيني على شو مابعرف طيب ياخي ابو سومر انت شلون تضحك على شي مافهمته اي مو بالأول تفهم على شو عم تضحك بعدين كنت راح تعرف ضحكتني عفواً فرحتني بمرورك الجميل أخي العزيز... |
| الساعة الآن 12:43 PM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke