|
اقوال وامثال محلمية
نتيجة للظروف الصعبة التي مرت على المحلمية إن كان في موطنهم أو في مواطن غربتهم جعلت ألسنتهم تطلق الكثير : من الأمثلة والأقوال وفي مختلف المناسبات ونذكر منها بعض ما قالوه غابت الشمس ياد واتقفلت الابواب * وطلع القمر في السما تيونس الاحباب غاب القمر مام وبق كوكب الفجري * وراس الغريب عل الحجر ودمعتو تجري مو حيف هاك القمر بين الغيوم تيغيب * كا يحلّق عل العريشة ويونس الغريب مو حيف هاك القمر بين النجوم يسهر * كا يحلّق عل القويشة ويونس العسكر طلو لهاك القمر كيف يمشي على مهلو * ضايع بين النجوم ويدّور على أهلو طلو لهاك القمر ودموعو على خدو * غير امّو مافي احد يعرف ايش دردو يا نجمة الصبح سيري عل البلد سيري * سلمي على أمي وابوي وكل من اريتي لي يادي قومي تفرجي يامو قومي من النوم ماما قومي تفرجي الغزلان سري يسرون يسرون سرية خفيفة أغراب ومسكنن مو هون نامي دنامي دلال ونومتكي هنية كما نومة الغزلان ب?ول وبرية قومي دقومي دلال وأنا قربان هاك الطول * تسوى اسكفة ماردين وعنقرا واصطنبول قامتكي الصنوبرة ومن الهوى تهتز * وتليق لخوي وسط الشال والقبا والقز حمرة وبيضا دقت مرتبة وفاتت * ومقمعة بالعطر وريحتا فاحت بوابنا حدا بوابكن وحسكن يجي لينا * ونحنا على اشغالنا تتشربك ايدينا مو يكفى تروح وتجي وايدك على خدك * سليتني بمحبتك خاين دخاف ربك مويكفى تروح وتجي وايدك على خدك * تعشق بنات العرب واثمان ما عندك مويكفى تروح وتجي وتسي من روحك حز * كلّتك ثور الهرم بين البقر تهتز وبيتك براني البلد وأنت كبير القوم * واعرف ما لك صبر كيف اصطبرت اليوم حبايبي شيّلو حبايبي راحو * قيدوني بقيد وودو مفتاحو لا تاخذ الطويلة معذورة وعقل مافي * وخذ القصيرة عقلا ذهب صافي والبيض كلس المناظر مسكن الحكام * والسمر صدر البخيري معدن الدخان والسمرة قرص العسل بارض السينية * والبيضة مشكة لبن و بظهر الكردية حبي نصب جادرو وعل البحر مشاني * وجدي مو من عادتو يروح وينساني حبي طلع من سحر تيذرّي بيدرو * ومسبحتو من صدف وتليق لخنجرو شب اسمراني حلو والغرّة مقلوبة * والعين عين الغزال وبالكحل مسحوبة ............................................... ال?ول = البرّية القبا = القباء وهو ثوب يلبسه العرب فوق ثيابهم حدا = بقرب حز = غليظ (رجل حز أي رجل غليظ * من القاموس ) و بالعامية نافخ حاله أثمان = نقود معذور = مضروب بعقله البخيري = المطبخ وهو أيضا منفذ ليصعد منه الدخان جمعها بخاري ويقول صفي الدين الحلي إن البخيري مذ فارقتموه غدا ****يحثو الرماد على كانونه الترب /////////////////////////////////////////// وأما أمثالهم فكانت كثيرة ونذكر منها القليل الذي حصلنا عليه ومنها : ادعي على ولدي واكره اللي يقول آمين عمَر وعلَى وراح وخلّى كلب داير خير من سبع مربوط محروم وأرت عينو خضرة وكروم لا هبوة للعطشان ولا سليق للجوعان اقضيا بزبل دارك ولا تحتاج لجارك لخاطر عين تكرم مدينة خدّام بخدّام وجارية بغلام نبش القبر لغيرو واتدلى فيو بعذاب الشقي تيعيش المدلل عاف امو وابوهو وعدا خلف مرت ابوهو داسو بجوفو صاح اي ظهري يصمّد وبراس روحو يرمّد بعد ما حكيتو الحكوية صرتو غنوية ما عندو لا انخى من الديك ولا أعلى من الجمل بسبب اليابس احترق الطري بيتي بيوتاتي مستر عيوباتي إذا ضربت وجّع وإذا طعميت شبّع من رايو وتدبيرو حنطتو اكلت شعيرو اللي مو ياخذ من ملتو يموت بعلتو سن فاسك ولا توجع راسك اللي يربّي جمل تي علّي باب دارو اتعب يا جاروق وكلي يا جزمة ايش شغل الثعلب بالسوق تيصير جلدو جاروق كل بقّة على قد حقا نوم العرايس للضحى لا عيب ولا مستحى الغنمة الجربة من راس العين تشرب العقل زينة وحمّالتو حزينة قبايا قباك واباي اباك بيض مسلوق مو يليق للحلوق البيت بيت ابونا والناس يطردونا لا عين ترى ولا قلب يحزن قلبي على ولدي وقلب ولدي عل الحجر اللي فيو آهه مو ينساها جوز المعدود بجراب محفوظ دللناك يا حبي نطيت وجيت بعبي اعوج كما عصعوص الكلب ال كدّى ما غدّى انا اكدّي والفارة تودّي |
اقتباس:
تسلم يا أبو سومر الغالي فأولاد عمومتنا المحلميون لهم نفس لهجتنا الأزخينية و نفس العادات و الأمثال و ربما يكون الدين قد لعب دورا في تغيير نوعية الألفاظ بيننا و بينهما إلا أن قاسما مشتركا يجمعنا فأرومتنا واحدة و اللهجة المتقاربة جدا دليل كبير على ذلك فهم من بكر فيما نحن من تغلب و قد كانا أخوين. |
حمرة وبيضا دقت مرتبة وفاتت * ومقمعة بالعطر وريحتا فاحت
بوابنا حدا بوابكن وحسكن يجي لينا * ونحنا على اشغالنا تتشربك ايدينا شكرا أخ أبو سومر استمتعت لقراءة هذه الأغاني والأمثال عن الإخوة المحلميين وجيران بيت أبي كانوا محلمية وكانوا جماعة أوادم وأخلاقن كتير حلوة وعاداتهم لاتختلف عن عاداتنا ... |
الاخ الغالي الاستاذ فؤاد مشكور لمرورك الجميل والغالي الاخت الغالية سميرة مشكورة لمرورك الغالي والجميل لكم التحيات والاحترام |
تشكر أخي أبو سومر على هذه الأمثال والأقول الجميله لأنها فعلا مأخوذة من الأمثال الأزخينيه مع بعض التعديل .. تشكر يالغالي تقديري ومحبتي ألياس |
| الساعة الآن 06:06 AM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke