ارجوكم لا تواخذونا

[جمال الحاج عبدو]

اولاد عمي الاعزاء بالنيابة عنكم جميعا ارحب بنفسي و بعودتي و من خلال كمبيوتري الخاص هل المرة وانا بعرف انكن كنتن زعلانين مننا ولكن صدقوني انقطعت كل خطوط الانترنت علينا بسبب المبالغ الكبيرة التي كان لازم ندفعها ولكن لم ندفعها فلهل السبب انقطعنا عنكم وارحب بعودتي مرة اخرى بالنيابة عنكن .
واهديكن هل القصيدة كعربون محبة و عودة واذا ما رديتن علي ما راح ازعل ولكن انا واثق من انكن طيبين وما راح تخجلوني .

يا محلى وان العنب**** ويا محلى وان التين
ويا محلى سلق البرا****غل تحت قمر تشرين
---------------------------------
وصلتنا حديثا من دير زبينا في تركيا
جما ل الحاج عبدو- اليعروبيييييييييييييييية

[الياس زاديكه]

أهلا وسهلا فيكن أهل محلم عالعين والراس
أبوابنا مفتوحة وقلوبنا معبايه ألكن إحساس
كيف راح ننساكم ونحن الفروع وأنتو الأساس
أفتقدناكم مدة من الزمن بس رجعتكم هي الأساس
تحياتي إلى كل آل محلم
تقديري ومحبتي
ألياس زاديكه

[fouadzadieke]

يا محلى طلّة جمالْ
ويا محلى موّالو
أهلن و سهلن دلالْ
كل مِنْ إلو حالو
ميّك نظيف وزلالْ
عم نعرف حوالو
غيبة بقتْ فالبالْ
و الشوقْ رسمالو
خبّرنا كيف الحالْ؟
كيف البلد حالو؟
منّك إجا مرسالْ
محبوب و نيّالو!
مافي زعلْ بطّالْ
ولا ينفتحْ فالو
غنّينا هالموّالْ
جمّولي كرمالو!

[georgette]

اهلا اخي جمال فيك وبكل اخوتنا المحلمية ويسعدنا تواجدكن معنا
لا زعل ولا حاجة انشالله تدوم الاخوة ونتمتع بمشاركاتكن

[SamiraZadieke]

نحن أهل المحبة والسلام هكذا ترعرعنا فاهلا بطلتك ياأخ جمال وياريت تكتبلنا أغاني محلمية
أنا بعرف شوي من غنوية تندمين
قضيت هالعمر كلو فوادي عليكي حزين
أحكي معكي ليش موتردين
تندمين ...تندمين تندمين والله تندمين!!!!
وهلا اجا دورك...

[جمال الحاج عبدو]

الله يمسيكن بالخير يا احلى اولاد عم
وانا اشكركن بالنيابة عني وعن اخي عبد الرزاق و ابن اخوي صبحي وابن الاخ العزيز عبد القادر اللي صار لي اكثر من شهرين ما شفتوهو ونيابة عن كل اولاد عمكن المحلمية الذي بدأوا يتابعوا هل الصفحة العزيزة و راح تصلكن منن رسائل كثيرة في الايام المقبلة .

جمال

[georgette]

هلا بك وبكل اولاد عمامنا وياريت نسمع منكن ونطمن على احوالكن
هلا وغلا باولاد العم