المساعد الشخصي الرقمي

مشاهدة النسخة كاملة : **سوري يوصي ولده الكسلان قبل أمتحان أخر السنة**

heer hanna
22-05-2006, 03:12 PM
سوري يوصي ولده الكسلان قبل امتحان اخر السنه ...
قلوا: يا إبنـــي امتحاناتك قربت وقدامك طريقين :
يابتنجح يابترسب
اذا نجحت خير وبركه
اما اذا رسبت فقدامك طريقين :
يابتصيع بالشوارع او بيشحطوك ع العسكرية
اذا صعت مو مشكلة
اما اذا شحطوك ع العسكريه فعندك خيارين :
يابفرزوك عالدفاع المدني أو بالصاعقة
اذا فرزوك بالدفاع المدني بيكون الله يسرلك
اما اذا فرزوك عالصاعقة فقدامك خيارين:
يا بيحطوك بالقوات الاحتياطيه او على الجبهه
القوات الاحتياطيه ممتازة كتير
اما اذا حطوك على الجبهه فعندك احتمالين :
يا بترجع بالسلامه اوبتصيبك شي قذيفة
اذا رجعت حميد ربك ع السلامة
اما اذا ضربتك قذيفه ففي حالتين:
يابطييب يابتموت
اذا طبت بيكون الله كاتبلك عمر
اما اذا مت فقدامك طريقين :
يابتاكلك الكلاب يا أما بتتعفن
اذا اكلتك الكلا ب مو مشكلة
اما اذا عفنت فقدامك طريقين :
يابياكلك الدود يا بتتحول لنفط
اذا أكلك الدود منيح كتير
أما إذا تحولت لنفط فقدامك طريقين :
يابيصدروك نفط خام او رح يكرروك في مصفاية للنفط
اذا صدروك خير وبركه
اما اذا كرروك فقدامك طريقين :
يا بيحولوك لزيوت ثانوية او لمواد تنظيف
اذا صرت زيت شي منيح
اما اذا حولوك مواد تنظيف فقدامك طريقين :
يا بتصير صابون او بتصير ورق تواليت
اذا صرت صابون خير وبركه
اما اذا صرت ورق تواليت
والله يا إبنـــي رح تاكل هوى عالمزبوط!!!

**منقول**لكم تحياتي**
نبيل يوسف دلالكي
22-05-2006, 05:33 PM
السيد حنا المحترم
تحية طيبة
موضوعك حلو وجميل ولذيد ويستحق القراءة فالف شكراً لكم .
نبيل يوسف دلالكي
heer hanna
22-05-2006, 06:27 PM
شكرا جزيلا على المرور يا اخ نبيل وعلى كلماتك الحلوة اكتر لك تحيات السيد حنا حنا
georgette
22-05-2006, 06:36 PM
تسلم يا ابو بينيامين
معو حق هالابو يا يتعلم ويا يتشحط
بس الله يقلعو ماكان يقدر يخففها شوية على المسكين
حلوة تشكر حبيب قلبي
heer hanna
22-05-2006, 09:15 PM
شكرا لكي يا اخت جورجيت على مروركي الجميل ولكي تحيات السيد حنا حنا
fouadzadieke
22-05-2006, 09:40 PM
شكرا لك يا ابن عمي على هذا النشاط الكبير
heer hanna
23-05-2006, 05:07 PM
شكرا على المرور يا ابو نبيل ولا شكر على واجب لك تحيات السيد حنا حنا
Fahmi Wiedmann
23-05-2006, 05:21 PM
ابن عمي الغالي كلامك حلو كتير، قرأته منذ زمن طويل ولكننسيتوه.
كان الاب يقدر يكمل على الاقل اختيارين تانيين:
اذا صرت ورق تواليت فعندك احتمالين
الاول: تستخدمك امرأة جميلة فنيالك
الثاني: يستخدمك رجل ما اتحمم من اسبوع فالله يسترك!!!!
شكرا مرة ثانية
الياس زاديكه
23-05-2006, 06:08 PM
تشكر ياألوس أبن عمي على سردك هذه النصيحة الأبوية القيمة .
جميل جدا ردك يافهمي صدق ضحكتو ساعات .
heer hanna
24-05-2006, 12:46 PM
شكرا جزيلا يا الياس زاديكة على مرورك الجميل لك تحيات السيد حنا حنا
heer hanna
24-05-2006, 12:48 PM
حلى فهمي وأحلى مرور واجمل تحيات السيد حنا حنا للاجمل فهمي