georgette
20-05-2006, 04:36 PM
قصة هينزل و جريتيل
----------------
كان يا ما كان ،في قديم الزمان ،كان في اخو واخت اسمهن هينزل وجريتيل كانو عايشين مع ابوهن ومرتو ،كانو كتير فقارة ولقمة العيش كتير صعبة ،كان الابو يقطع الشجر ويبيع اغصانها من شان شوية مصريات يقدر يشتري شوية دقيق لعمل الخبز ،،،في يوم من ايام الله سمع هينزل مرة ابوه وهي عم تتقاتل مع زوجها *لازم اطالع اولادك من البيت لقمة العيش ما عم بتكفي لكلنا اليوم المسى بتاخدون وبترميهن بالغابة ويا ويلك اذا رجعت وهن معك* الزوج عم المستحيل بس مرتو ترفع صوتها اكتر واكتر ،،لمن اجى المسى اخد الابو اولادو وراح على الغابة ،لمن وصلو بوسهن وطلب منهن خاطر ورجع مكسور القلب على بيتو ،،هاد هينزل كان يعرف بنوايا ابوه منشان هيك اخد معو حجارة صغيرة ورزهن بالطريق ولمن بلشت جريتل تبكي قالها *لا تخافي يا جريتل بدنا نرجع عالبيت قبل ما تعتم الدنية* وهيك مشيو الطريق الي كانت مرزوزة الحجارة فيو لبين ما وصلو عالبيت ،لمن ابوهن شافهن فرح كتير كتير وحضنهن بس مرتو بلشت تصرخ متل المجنونة وتقول* والله العظيم اذا بكرة مااخدتهن وكبيتن بالغابة بدي ارميك انت وهن برة وشوف كيف بدك اتعيشهن*
اجى اليوم التالي واخد الاب اولادو للغابة وقالهن* يا اولاي روحو دورو على لقمة عيشكن وين ما تكون رح تكون احسن من عندنا* بوسهن ورجع على بيتو،،
هاد هينزل وجريتل رادو يرجعو على بيتهن بس شوفو شو الي صار هالمرة اخد هينزل خبز ناشف معو ورزو بالطريق شو تتصورو صار؟؟ اجو عصافير الغابة الجوعانة واكلوهن ومنشان هيك ما عاد فيهن يرجعو على بيتهن وجريتيل بلشت تبكي وتولول ،اخها اخدها بايدها وقالها *لا تخافي يا جريتل انا بدي احميك *بلشو يتمشو والدنية كتير معتمة وبلش الجوع يدق باب بطنهن بس لا في معهن لا اكل ولا شرب ،مشيو ومشيو لبين ما شافو من بعيد بيت صغير وفيو ضو فكرو مين مايكونو تايكون الن قلب يترحم عليهن ويعطيهن لقمة خبز ،لمن وصلو اتعجبو من الشي الي شافوه ،البيت كلو مصنوع من بسكويت وكريما وشوكولاتة ،المسيكين جوعانين كتير منشان هيك مدت جريتل ايدها للبسكويت واخدت قطعة اكلتها ويا ه ه ه لا تشوف عيونكن وتسمع ادانكن اي اشلون مرة بشعة طالعة لبرة وهي عم تصرخ فيهن *طيب انت يا سرقة يا حرامية اجيتن تتاكلون بيتي امبلاش ولك شوفو شو رح اعمل فيكن* اخدتها لجريتل على البيت وعطتها المكنسة وقالتلها من اليوم ورايح بدك تكنسي وتغسلي وتطبخي سمعت* واخدتو لهينزل وحطتو بقفص وقالتو* وانت رح تاكل كل يوم دجاجة كاملة لانك ضعيف كتير واذا هلق اكلتوك ما فيك غير عضام منشان هيك لازم تسمن شوي تانية* ضحكت ضحكة كتير بشعة وراحت على مكنستها منشان تعمل اشرارها بخلق الله
الايام عم تمشي وجريتل تطبخ وتغسل وتكنس تعبت كتير وكل ما تطلع باخوها ينعصر قلبها عليو ،هينزل حس بقهر اختو وقالها * لاتزعلي يا جريتلي الجنية مارح تاكلني وتعرفي ليش لاني مارح اسمن ابدا كل ما تجي الجنية وتتفحص اعضامي اعطيها عضمة الجيج ولانها الهبلة ما تشوف منيح مفتكرة اني ما بسمن * وهيك كل ما تجي الجنية يعطيها هينزل عضمة الجيج لبين ما ضاق خلقها وقالت* جريتل شعلي التنور اليوم بدي اكل اخوك ما عاد فيني استنا* هاي جريتل خافت على اخوها كتير ومنشان اتخلصو فكرة فكرة كتير منيحة ،لمن اجت الجنية تاشوف انو التنور حار منيح اجت جريتل ورمتها من الخلف بالنار واحترقت هالجنية الشريرة ،جريتل خلصت اخوها من القفص وهني عم يدورو بالبيت شافو فوق بالزريدية صندوق كتير تقيل فتحوهو وانبهرت عيونون كلو معبى دهب لتمو ولانو الجنية الشريرة ماتت فكرو انو ياخدوه ويرجعو لعند ابوهن ،وهن هيك عم يتكلمو مع بعضهن سمعو صوت ابوهن وهو عم يناديهن ،ما مصدقين عيونهن ركضو لعند ابوهن حضنو بعضهن وبلشو التلاتة يبكو من فرحتهن الابو قالهن* لا تواخذوني يا اولادي هالمرة الشريرة الي كنت متزوجها حكتلي انها جنية وبدها اليوم تاكل ولدين وشغلها معي خلص ولمن فكرت منيح عرفت انها هي الجنية الشريرة الي تاكل الاطفال وكنت حاسس انها راح تاكلكن انتو منشان هيك وبعد ما اتخلصت من سحرها كان لازم اجي واخلصكن **هون اتضحك هينزل وقالو*لا تخاف يابابا جريتل خلصتني وخلصت العالم من شرها وشوف بدنا انعيش طول حياتنا متهنين مع بعضنا *
وهيك يا حلوين خلصت حكوية اليوم مع خلصان شر الجنية واذا ما ماتو لساتن عايشين ومتهنيين وتوتة توتة خلصت الحدوتة
والي فهمناه اليوم
1* الدم عمرو مابيصير مي /يعني حب الاب والام اقوى من سحر اشر جنية
2* القوة ما هي قوة عضل وبس لا بالعقل انكون اقوى بكتير
3* والمحبة الي بين الاخوة بتعمر جسور وتهدي قلوب ومنشان هيك نصيحتي الكن /حبو اخوانكن وخواتكن لانون هني بيكون الصدر الي فيك تبكي عليو بوقت حاجتك
جورجيت:) :) :)
----------------
كان يا ما كان ،في قديم الزمان ،كان في اخو واخت اسمهن هينزل وجريتيل كانو عايشين مع ابوهن ومرتو ،كانو كتير فقارة ولقمة العيش كتير صعبة ،كان الابو يقطع الشجر ويبيع اغصانها من شان شوية مصريات يقدر يشتري شوية دقيق لعمل الخبز ،،،في يوم من ايام الله سمع هينزل مرة ابوه وهي عم تتقاتل مع زوجها *لازم اطالع اولادك من البيت لقمة العيش ما عم بتكفي لكلنا اليوم المسى بتاخدون وبترميهن بالغابة ويا ويلك اذا رجعت وهن معك* الزوج عم المستحيل بس مرتو ترفع صوتها اكتر واكتر ،،لمن اجى المسى اخد الابو اولادو وراح على الغابة ،لمن وصلو بوسهن وطلب منهن خاطر ورجع مكسور القلب على بيتو ،،هاد هينزل كان يعرف بنوايا ابوه منشان هيك اخد معو حجارة صغيرة ورزهن بالطريق ولمن بلشت جريتل تبكي قالها *لا تخافي يا جريتل بدنا نرجع عالبيت قبل ما تعتم الدنية* وهيك مشيو الطريق الي كانت مرزوزة الحجارة فيو لبين ما وصلو عالبيت ،لمن ابوهن شافهن فرح كتير كتير وحضنهن بس مرتو بلشت تصرخ متل المجنونة وتقول* والله العظيم اذا بكرة مااخدتهن وكبيتن بالغابة بدي ارميك انت وهن برة وشوف كيف بدك اتعيشهن*
اجى اليوم التالي واخد الاب اولادو للغابة وقالهن* يا اولاي روحو دورو على لقمة عيشكن وين ما تكون رح تكون احسن من عندنا* بوسهن ورجع على بيتو،،
هاد هينزل وجريتل رادو يرجعو على بيتهن بس شوفو شو الي صار هالمرة اخد هينزل خبز ناشف معو ورزو بالطريق شو تتصورو صار؟؟ اجو عصافير الغابة الجوعانة واكلوهن ومنشان هيك ما عاد فيهن يرجعو على بيتهن وجريتيل بلشت تبكي وتولول ،اخها اخدها بايدها وقالها *لا تخافي يا جريتل انا بدي احميك *بلشو يتمشو والدنية كتير معتمة وبلش الجوع يدق باب بطنهن بس لا في معهن لا اكل ولا شرب ،مشيو ومشيو لبين ما شافو من بعيد بيت صغير وفيو ضو فكرو مين مايكونو تايكون الن قلب يترحم عليهن ويعطيهن لقمة خبز ،لمن وصلو اتعجبو من الشي الي شافوه ،البيت كلو مصنوع من بسكويت وكريما وشوكولاتة ،المسيكين جوعانين كتير منشان هيك مدت جريتل ايدها للبسكويت واخدت قطعة اكلتها ويا ه ه ه لا تشوف عيونكن وتسمع ادانكن اي اشلون مرة بشعة طالعة لبرة وهي عم تصرخ فيهن *طيب انت يا سرقة يا حرامية اجيتن تتاكلون بيتي امبلاش ولك شوفو شو رح اعمل فيكن* اخدتها لجريتل على البيت وعطتها المكنسة وقالتلها من اليوم ورايح بدك تكنسي وتغسلي وتطبخي سمعت* واخدتو لهينزل وحطتو بقفص وقالتو* وانت رح تاكل كل يوم دجاجة كاملة لانك ضعيف كتير واذا هلق اكلتوك ما فيك غير عضام منشان هيك لازم تسمن شوي تانية* ضحكت ضحكة كتير بشعة وراحت على مكنستها منشان تعمل اشرارها بخلق الله
الايام عم تمشي وجريتل تطبخ وتغسل وتكنس تعبت كتير وكل ما تطلع باخوها ينعصر قلبها عليو ،هينزل حس بقهر اختو وقالها * لاتزعلي يا جريتلي الجنية مارح تاكلني وتعرفي ليش لاني مارح اسمن ابدا كل ما تجي الجنية وتتفحص اعضامي اعطيها عضمة الجيج ولانها الهبلة ما تشوف منيح مفتكرة اني ما بسمن * وهيك كل ما تجي الجنية يعطيها هينزل عضمة الجيج لبين ما ضاق خلقها وقالت* جريتل شعلي التنور اليوم بدي اكل اخوك ما عاد فيني استنا* هاي جريتل خافت على اخوها كتير ومنشان اتخلصو فكرة فكرة كتير منيحة ،لمن اجت الجنية تاشوف انو التنور حار منيح اجت جريتل ورمتها من الخلف بالنار واحترقت هالجنية الشريرة ،جريتل خلصت اخوها من القفص وهني عم يدورو بالبيت شافو فوق بالزريدية صندوق كتير تقيل فتحوهو وانبهرت عيونون كلو معبى دهب لتمو ولانو الجنية الشريرة ماتت فكرو انو ياخدوه ويرجعو لعند ابوهن ،وهن هيك عم يتكلمو مع بعضهن سمعو صوت ابوهن وهو عم يناديهن ،ما مصدقين عيونهن ركضو لعند ابوهن حضنو بعضهن وبلشو التلاتة يبكو من فرحتهن الابو قالهن* لا تواخذوني يا اولادي هالمرة الشريرة الي كنت متزوجها حكتلي انها جنية وبدها اليوم تاكل ولدين وشغلها معي خلص ولمن فكرت منيح عرفت انها هي الجنية الشريرة الي تاكل الاطفال وكنت حاسس انها راح تاكلكن انتو منشان هيك وبعد ما اتخلصت من سحرها كان لازم اجي واخلصكن **هون اتضحك هينزل وقالو*لا تخاف يابابا جريتل خلصتني وخلصت العالم من شرها وشوف بدنا انعيش طول حياتنا متهنين مع بعضنا *
وهيك يا حلوين خلصت حكوية اليوم مع خلصان شر الجنية واذا ما ماتو لساتن عايشين ومتهنيين وتوتة توتة خلصت الحدوتة
والي فهمناه اليوم
1* الدم عمرو مابيصير مي /يعني حب الاب والام اقوى من سحر اشر جنية
2* القوة ما هي قوة عضل وبس لا بالعقل انكون اقوى بكتير
3* والمحبة الي بين الاخوة بتعمر جسور وتهدي قلوب ومنشان هيك نصيحتي الكن /حبو اخوانكن وخواتكن لانون هني بيكون الصدر الي فيك تبكي عليو بوقت حاجتك
جورجيت:) :) :)