georgette
20-05-2006, 04:24 PM
قصة تانية على الميلاد
الغني المتذمر والتلات هدايا *ضميرو*
كان يا ما كان في قديم الزمان كان في زلمة غني كتير كتير بس طماع كتير وعندو قلب متل الحجر ،لا يأمن بالله ولا يحب حدى غير مصرياتو ،ومن كتر خوفو عليهن كان يغلق خمس مفاتيح على الباب وينام من جنب منن ،والاطفال كان يكرهن بشكل عجيب.
اجت سبة عيد الميلاد وبالطبع هاي فرحة كبيرة لكل صغير و كبير والاطفال بكل الشوارع تلعب بالتلج وترقص على اغاني العيد والاضويةتزين الشوارع والبيوت ،كل الجيران فقرا وزناكين ،صغار وكبار متفاهمين ويساعدو بعضهن بس هالرجال المتذمر ،بيكره ضحكة الاطفال ،بيكره انغام الصلوات وحتى يكره نفسو ،،وهوي ماشي بالشارع انضرب فيو طفل وهوي عم يلعب هاد بلش يصرخ بهالطفل ويشمت فيو وبالحال جاب الشرطة وخبرهن انو هاد ابن حرامي وكان بدو يسرقني ،الولد بلش يبكي وهاد الشي موي صح والله العظيم ماكان بدي اعمل هيك شي ،بس هالمتذمر اصر على انو هالولد لازم يتعاقب ،والشرطة اضطرت تاخدو لهل الولد للحبس وشو تتصورو صعب اذا قضى هيك ولد العيد بالحبس ،هو مقهور واهلو اكتر مقهورين بس هالملعون مبسوط
راح هالرجال على بيتو مبسوط من نفسو اجى المسا وبدو ايروح لفرشتو ،دخل سريرو واندمخ نام ،لساتو ما مسكر عيونو مليح اجهو بحلمو طفل صغير واخدو معو برحلة لطفولتو ،وما شاف حالو الا وهوي فبيتو العتيق قاعد تحت شجرة عيد الميلاد وهو بعدو طفل صغير يستنا هدية تجيو ،بس ما اجتو لا هدية ولا امو ولا ابوه موجودين تايعيدوه وياخدوه بحضنن ،نزلو دموعو مرة تانية وهو عم ايشوف حالو الطفل المحروم من حب ومقهور لحالو لانو امو وابوه ايفضلو كل سنة الشغل على محبة ابنن
سالو الطفل *هاد انت ما هيك ومنشان هيك تكره كل الاطفال لانون شايفين حب انت ما انسمحلك اتشوفو بس الالم الي انت شفتو ما هو سبب الاطفال الي عم اتعذبن وتكرهن والا شو رائيك
لرجال حس بذنب كبير بحق الولد المسكين ، الطفل طلب منو خاطر وفجاة ما عاد هون بس متل ماراح الطفل طلع مكانو شب واخدو بايدو لرحلة تانية وما شاف حالو الا وهوي شاب وقاعد ورا مكتب فخم وعم يشتغل ويشتغل ويشتغل والمساكين الشغيلة حتى بليلة عيد ما مسموحلها تروح لبيتها ولاولادها ،مجبورين على العمل والا تايرفدون وهيك شاف هالرجال حالو مرة تانية واتحسر على العيشة الي عاشها من غير حضن يضمو ويدفيه ونزلو دموعو مرة تانية على هالشب الي ما انسمح لو يعيش حياة زوجية ويصيرلو اولاد وهون قالو الشاب//هاد انت ما هيك بعد الشي الي عشتو من حرمان اقسمت انك ما تخلف وما يصيرلك اولاد من خوفة انو تعاملهن متل ما عاملوك امك وابوك والا شو تقول*
بكي الرجال على الشب وعلى حالو ،وهون طلب الشاب خاطر منو وراح وقبل ما يبرم راسو شاف قدام منو قامة ضخمة ومخيفة لابسة اسود من فوق لتحت وعرف بالحال مينو هاد * عزرائيل* من خوفتو كان بدو يهرب بس عزرائيل اخدو بايدو لرحلة تالتة واخيرة وهون شاف حالو بتابوت بالكنيسة وما حدى حولو غير القس الي عم يكرز ،ودموعو نزلو للمرة التالتة واتحسر حالو ،هون قالو عزرائيل
*يارجال انت ومصرياتك وبس ،هاد شي محزن ،عشت وحيد ،كبرت وحيد ورح تموت وحيد،،بس انا اجيتو مرسول اليك اوصيك حب جيرانك تيحبوك ،ساعدهن تايساعدوك ابكي معهن وضحك الن وشوف كيف رح اتعوض الي مفتقدو وما عاد بتكون وحيد ،فكر مرة تانية الرب بدو يعطيك فرصة تانية* واختفى عزرائيل وجفل هالزلمة وشاف حالو فيوم عيد الميلاد والكل متهنيين ومتعيدين بس عايلة وحدة حزينة وما الها قلب لبسمة وعرف ليش ،لبس اتيابو ونزل عالحارة اخد هدايا كتيرة ورلح من بيت لبيت معيد كل الجيران وطالع الولد من الحبيس وعمل حفلة كبيرة بشوارع الحارة وعزم كل الجيران تاياكلو ويشربو ويغنو ويرقصو ومن هديك اليوم وليوم موتو كان يعمل كل عيد ميلاد حفلة كبيرة لكل لجيران وهيك يا حبايبي صار محبوب من الكل وعلقلو بالاخير الحب والمودة الي انو ناقصين عليو وتوتة توتة خلصت الحدوتة
والي فهناه اليوم
1* بالحب والحنان انعمر اجيال رائعة وبالاهمال ابخرب انفاس بريئة
2* الحقد والكره والانتقام لا من رضى الله ولا بيثمرو غير حقد وكره
3* بضحكة صغيرة وبايد مفتوحة بنوصل الى ابعد واصعب قلوب
جورجيت :) :) :)
الغني المتذمر والتلات هدايا *ضميرو*
كان يا ما كان في قديم الزمان كان في زلمة غني كتير كتير بس طماع كتير وعندو قلب متل الحجر ،لا يأمن بالله ولا يحب حدى غير مصرياتو ،ومن كتر خوفو عليهن كان يغلق خمس مفاتيح على الباب وينام من جنب منن ،والاطفال كان يكرهن بشكل عجيب.
اجت سبة عيد الميلاد وبالطبع هاي فرحة كبيرة لكل صغير و كبير والاطفال بكل الشوارع تلعب بالتلج وترقص على اغاني العيد والاضويةتزين الشوارع والبيوت ،كل الجيران فقرا وزناكين ،صغار وكبار متفاهمين ويساعدو بعضهن بس هالرجال المتذمر ،بيكره ضحكة الاطفال ،بيكره انغام الصلوات وحتى يكره نفسو ،،وهوي ماشي بالشارع انضرب فيو طفل وهوي عم يلعب هاد بلش يصرخ بهالطفل ويشمت فيو وبالحال جاب الشرطة وخبرهن انو هاد ابن حرامي وكان بدو يسرقني ،الولد بلش يبكي وهاد الشي موي صح والله العظيم ماكان بدي اعمل هيك شي ،بس هالمتذمر اصر على انو هالولد لازم يتعاقب ،والشرطة اضطرت تاخدو لهل الولد للحبس وشو تتصورو صعب اذا قضى هيك ولد العيد بالحبس ،هو مقهور واهلو اكتر مقهورين بس هالملعون مبسوط
راح هالرجال على بيتو مبسوط من نفسو اجى المسا وبدو ايروح لفرشتو ،دخل سريرو واندمخ نام ،لساتو ما مسكر عيونو مليح اجهو بحلمو طفل صغير واخدو معو برحلة لطفولتو ،وما شاف حالو الا وهوي فبيتو العتيق قاعد تحت شجرة عيد الميلاد وهو بعدو طفل صغير يستنا هدية تجيو ،بس ما اجتو لا هدية ولا امو ولا ابوه موجودين تايعيدوه وياخدوه بحضنن ،نزلو دموعو مرة تانية وهو عم ايشوف حالو الطفل المحروم من حب ومقهور لحالو لانو امو وابوه ايفضلو كل سنة الشغل على محبة ابنن
سالو الطفل *هاد انت ما هيك ومنشان هيك تكره كل الاطفال لانون شايفين حب انت ما انسمحلك اتشوفو بس الالم الي انت شفتو ما هو سبب الاطفال الي عم اتعذبن وتكرهن والا شو رائيك
لرجال حس بذنب كبير بحق الولد المسكين ، الطفل طلب منو خاطر وفجاة ما عاد هون بس متل ماراح الطفل طلع مكانو شب واخدو بايدو لرحلة تانية وما شاف حالو الا وهوي شاب وقاعد ورا مكتب فخم وعم يشتغل ويشتغل ويشتغل والمساكين الشغيلة حتى بليلة عيد ما مسموحلها تروح لبيتها ولاولادها ،مجبورين على العمل والا تايرفدون وهيك شاف هالرجال حالو مرة تانية واتحسر على العيشة الي عاشها من غير حضن يضمو ويدفيه ونزلو دموعو مرة تانية على هالشب الي ما انسمح لو يعيش حياة زوجية ويصيرلو اولاد وهون قالو الشاب//هاد انت ما هيك بعد الشي الي عشتو من حرمان اقسمت انك ما تخلف وما يصيرلك اولاد من خوفة انو تعاملهن متل ما عاملوك امك وابوك والا شو تقول*
بكي الرجال على الشب وعلى حالو ،وهون طلب الشاب خاطر منو وراح وقبل ما يبرم راسو شاف قدام منو قامة ضخمة ومخيفة لابسة اسود من فوق لتحت وعرف بالحال مينو هاد * عزرائيل* من خوفتو كان بدو يهرب بس عزرائيل اخدو بايدو لرحلة تالتة واخيرة وهون شاف حالو بتابوت بالكنيسة وما حدى حولو غير القس الي عم يكرز ،ودموعو نزلو للمرة التالتة واتحسر حالو ،هون قالو عزرائيل
*يارجال انت ومصرياتك وبس ،هاد شي محزن ،عشت وحيد ،كبرت وحيد ورح تموت وحيد،،بس انا اجيتو مرسول اليك اوصيك حب جيرانك تيحبوك ،ساعدهن تايساعدوك ابكي معهن وضحك الن وشوف كيف رح اتعوض الي مفتقدو وما عاد بتكون وحيد ،فكر مرة تانية الرب بدو يعطيك فرصة تانية* واختفى عزرائيل وجفل هالزلمة وشاف حالو فيوم عيد الميلاد والكل متهنيين ومتعيدين بس عايلة وحدة حزينة وما الها قلب لبسمة وعرف ليش ،لبس اتيابو ونزل عالحارة اخد هدايا كتيرة ورلح من بيت لبيت معيد كل الجيران وطالع الولد من الحبيس وعمل حفلة كبيرة بشوارع الحارة وعزم كل الجيران تاياكلو ويشربو ويغنو ويرقصو ومن هديك اليوم وليوم موتو كان يعمل كل عيد ميلاد حفلة كبيرة لكل لجيران وهيك يا حبايبي صار محبوب من الكل وعلقلو بالاخير الحب والمودة الي انو ناقصين عليو وتوتة توتة خلصت الحدوتة
والي فهناه اليوم
1* بالحب والحنان انعمر اجيال رائعة وبالاهمال ابخرب انفاس بريئة
2* الحقد والكره والانتقام لا من رضى الله ولا بيثمرو غير حقد وكره
3* بضحكة صغيرة وبايد مفتوحة بنوصل الى ابعد واصعب قلوب
جورجيت :) :) :)