georgette
20-05-2006, 04:12 PM
الخنازير التلاتة
كان يا ماكان في قديم الزمان كان في تلات خنازير عايشين على رقبة امهن المسكينة ،تطبخ وتغسل ،تعجن وتخبز ،تنشر الخشب وتحمل اتقال البيت وتقولو واحد من هالتنابل تايحرك حالو ويساعدها بشي //حاشى الله/ على قولة /اكل ومرعى وقلة صنعة/
كل يوم على هالحال حاطين اجر على اجر ويتامرو واشقد ما قالتلهن امهن بدي ارميك برا البيت كانو يتضحكو عليها ،،مرة من المرات طق خلقها واخدتهن ورمتهن لبرا وقالتلهن روحو اتعلمو اتصيرو رجيل شغيلة وبعدها فيكن ترجعو عالبيت قبلها لا
هدو انصرعو وشو العمل هلا؟؟ مين بدو يطبخلهن ويغسلهن وينطفلهن ، مافي مفر لازم يجربو ايعيشو ،،اخدو طريقهن ومشيو ومشيو ومشيو ،قال الكبير/ خلاص ما عاد في امشي خطوة تانية بدي عمرلي هون بيت وعيش فيو / اخوانو جربو معو ،لا يا اخونا وكيف بدك اتعمر هون بيت لا حجرة ولا عصاية هون ،،قال /في تبن كتير تاعمرلي منو بيت / وقعد تا ايريح ،اخوانو كملو طريقهن ومشيو ومشيو لبين ما قال المتوسط / والله العظيم لو دبحتني ما بدي امشي خطوة تانية بدي عمر بيتي هون واستريح/ الصغير عمل وما عمل اشلون تاتعمر بيت وما في لا حجر ولا خشب ،قالو / في قصب كتير وبدي عمرلي منهم بيت /وقعد تايستريح
الصغير كمل مشي لبين ما شاف قطعة ارض خضرة براس جبل اتطلع امنيح وقال هون بدي عمر بيتي
فاتت الايام والاخوة ما سمعت من بعضها شي بس كانو سمعانين بديب جوعان وعم ياكل شو ما اجى قدامو ومنشان هيك سكرو ابوابهن ،الكبير سمع صوت دق عالباب قال/ يا خنزير اعرف انو انت جوا انت افتحلي احسن ما انفخ فبيتك واخربو على راسك/ هاد بلش يضحك منو بس شو تتصورون صار ،،هالديب سحب نفس ونفخ نفخة كبيرة وطير البيت من جزورو ،لمن الخنزير شاف هيك اخد اجريو تحت اباطو وقال اين انتن يا اخواني ،ركض وركض وركض لبين ما شاف بيت من قصب دق عالباب واترجا ايدخلوه لمن دخل شاف اخوه عم يسالو شو فيك وهني هيك سمعو ضحك الديب وعم يقلن /افتحلوي الباب احسن ما لنفخ فيو واهدمو على راسكن/ سحب نفس كبير ونفخ نفخة كبيرة طيرت سقف البيت وجدرانو وهدول بلشو من تاني بالركض والهرب لما وصلو لفوق الجبل وشافو بيت من حجارة وشبابيكو سميكة دقو عالباب مذعورين انفتحلهن الباب ودخلو وشافو حالهن ببيت اخوهن الصغير ،اتعجبو من الشي الي عمرهو وقالهن لا تخافو الديب ما فيو ياذيكن ،
وصل الديب ونفخ بالباب ،ما اتحرك ولا شي من مكانو ،اخد نفس اكبر ونفخ نفخة اقوى بس ما اتحرك شي فكر احسن شي ادخل من الصوبة هيك تفاجئن واكلن بس الجوعان المهبول ما اخد بالو انو الصوبة عم تشتغل ولانو الخنزير الصغير كان عامل شوربة بالقدر وقع الديب فيه واحترق
هالق عرفو الاخوة انو الي عملو اخوهن كان بدو تعب وجهد بس كان عمل كتير منيح وعمل تيحويهن طول عمرهن ،اخدو امهن لعندهن وهيك عاشو بالبيت الي الو اساس قوي وبلشو يساعدو كلهن ايد بايد واذا ما ماتو لساتن عايشين وتوتة توتة خلصت الحدوتة
والي فهمناه اليوم
1* الكسل والاعتماد على التانين ما رح يوصلنا للمقصود
2* بالتعب والجهد فينا نبني اساس قوي
3* المحبة والعطاء احسن اكتير من الاخد
جورجيت
كان يا ماكان في قديم الزمان كان في تلات خنازير عايشين على رقبة امهن المسكينة ،تطبخ وتغسل ،تعجن وتخبز ،تنشر الخشب وتحمل اتقال البيت وتقولو واحد من هالتنابل تايحرك حالو ويساعدها بشي //حاشى الله/ على قولة /اكل ومرعى وقلة صنعة/
كل يوم على هالحال حاطين اجر على اجر ويتامرو واشقد ما قالتلهن امهن بدي ارميك برا البيت كانو يتضحكو عليها ،،مرة من المرات طق خلقها واخدتهن ورمتهن لبرا وقالتلهن روحو اتعلمو اتصيرو رجيل شغيلة وبعدها فيكن ترجعو عالبيت قبلها لا
هدو انصرعو وشو العمل هلا؟؟ مين بدو يطبخلهن ويغسلهن وينطفلهن ، مافي مفر لازم يجربو ايعيشو ،،اخدو طريقهن ومشيو ومشيو ومشيو ،قال الكبير/ خلاص ما عاد في امشي خطوة تانية بدي عمرلي هون بيت وعيش فيو / اخوانو جربو معو ،لا يا اخونا وكيف بدك اتعمر هون بيت لا حجرة ولا عصاية هون ،،قال /في تبن كتير تاعمرلي منو بيت / وقعد تا ايريح ،اخوانو كملو طريقهن ومشيو ومشيو لبين ما قال المتوسط / والله العظيم لو دبحتني ما بدي امشي خطوة تانية بدي عمر بيتي هون واستريح/ الصغير عمل وما عمل اشلون تاتعمر بيت وما في لا حجر ولا خشب ،قالو / في قصب كتير وبدي عمرلي منهم بيت /وقعد تايستريح
الصغير كمل مشي لبين ما شاف قطعة ارض خضرة براس جبل اتطلع امنيح وقال هون بدي عمر بيتي
فاتت الايام والاخوة ما سمعت من بعضها شي بس كانو سمعانين بديب جوعان وعم ياكل شو ما اجى قدامو ومنشان هيك سكرو ابوابهن ،الكبير سمع صوت دق عالباب قال/ يا خنزير اعرف انو انت جوا انت افتحلي احسن ما انفخ فبيتك واخربو على راسك/ هاد بلش يضحك منو بس شو تتصورون صار ،،هالديب سحب نفس ونفخ نفخة كبيرة وطير البيت من جزورو ،لمن الخنزير شاف هيك اخد اجريو تحت اباطو وقال اين انتن يا اخواني ،ركض وركض وركض لبين ما شاف بيت من قصب دق عالباب واترجا ايدخلوه لمن دخل شاف اخوه عم يسالو شو فيك وهني هيك سمعو ضحك الديب وعم يقلن /افتحلوي الباب احسن ما لنفخ فيو واهدمو على راسكن/ سحب نفس كبير ونفخ نفخة كبيرة طيرت سقف البيت وجدرانو وهدول بلشو من تاني بالركض والهرب لما وصلو لفوق الجبل وشافو بيت من حجارة وشبابيكو سميكة دقو عالباب مذعورين انفتحلهن الباب ودخلو وشافو حالهن ببيت اخوهن الصغير ،اتعجبو من الشي الي عمرهو وقالهن لا تخافو الديب ما فيو ياذيكن ،
وصل الديب ونفخ بالباب ،ما اتحرك ولا شي من مكانو ،اخد نفس اكبر ونفخ نفخة اقوى بس ما اتحرك شي فكر احسن شي ادخل من الصوبة هيك تفاجئن واكلن بس الجوعان المهبول ما اخد بالو انو الصوبة عم تشتغل ولانو الخنزير الصغير كان عامل شوربة بالقدر وقع الديب فيه واحترق
هالق عرفو الاخوة انو الي عملو اخوهن كان بدو تعب وجهد بس كان عمل كتير منيح وعمل تيحويهن طول عمرهن ،اخدو امهن لعندهن وهيك عاشو بالبيت الي الو اساس قوي وبلشو يساعدو كلهن ايد بايد واذا ما ماتو لساتن عايشين وتوتة توتة خلصت الحدوتة
والي فهمناه اليوم
1* الكسل والاعتماد على التانين ما رح يوصلنا للمقصود
2* بالتعب والجهد فينا نبني اساس قوي
3* المحبة والعطاء احسن اكتير من الاخد
جورجيت