أتشرّف فالأزخيني شعر: فؤاد زاديكه

[fouadzadieke]

أتشرّف فالأزخيني



شعر: فؤاد زاديكه



أزخيني أبًّا عنْ جِدّ
و فالأزخيني أتشرّفْ



جِدْ جِدّي مِن (كِنّك)[1] (http://www.fouadzadieke.de/vBulletin/#_ftn1) جا
لو حبّيتْ و تِتْعَرّفْ



سَسْ إخوة كانوا هَونَك
جِدّي خبّرنا و عَرّفْ



وِاحد مِنّنْ جا ل(آزخْ)[2] (http://www.fouadzadieke.de/vBulletin/#_ftn2)
و التّاني ف(اسفس)[3] (http://www.fouadzadieke.de/vBulletin/#_ftn3) وَقّفْ



و التّالت فِا(لّمدينة)[4] (http://www.fouadzadieke.de/vBulletin/#_ftn4)
تاجر فالمال اِتصرّفْ



(بِشره) و (اسطيفو) و (عِزّو)
كانوا الإخوة فالموقِفْ



بَيناتنْ كَيكو محبّة
كِلْ وِاحد مِنّنْ يِحلِف



براس الإخوة مو فِالکزب
أشقد أحكيلك أوصِفْ



مو تِتخيّلْ, كانوا بوش
يحبّوا بعضن, تِه تِعرِفْ



و بَعدا جَوا كِلّنْ لآزخ
عاشوا و ماتوا, أتأسّفْ



ما ريتو وِاحد مِنّنْ
ألله يرحم لِتْقَرْصَفْ



أولاد أولادن قاموا
ف(آزخ) مِتل الما أعرِفْ



و أحفادن مِن بعدن جَوا
من آزخ قالوا أشرَفْ



ف(عَنديوَر)[5] (http://www.fouadzadieke.de/vBulletin/#_ftn5) صاروا عسكر
فرنساوي و اصطفّوا صَفّْ



و بَعدا الفرنساوي قام
مِنْ سوريّة ما وَقّفْ



راحوا عمامي علبيرود
و جِدّي بَقْ هَونه يرجفْ



(بره بيصا) صارت قبرو
أينو قبرو مو نِعرِفْ.


[1] (http://www.fouadzadieke.de/vBulletin/#_ftnref1) إحدى القرى السريانية تقع في برية نصيبين جاء منها أجدادي إلى آزخ

[2] (http://www.fouadzadieke.de/vBulletin/#_ftnref2) البلدة السريانية المناضلة تقع الآن في حدود تركيا اسمها القديم بيت زبداي

[3] (http://www.fouadzadieke.de/vBulletin/#_ftnref3) إحدى القرى السريانية التابعة لآزخ

[4] (http://www.fouadzadieke.de/vBulletin/#_ftnref4) هي جزيرة ابن عمر أو الجزيره و إليها ينسب الجزراويون

[5] (http://www.fouadzadieke.de/vBulletin/#_ftnref5) إحدى القرى التابعة لديريك كانت مركز قيادة للجيش الفرنسي