الفرق بيناتنا نقطة

[الياس زاديكه]

النقطة أديش صغيرة ، بس يا أخي بصراحة مفعولها كتير كبير
!! شلون بقا هيك ، فهمني لشوف
راح أعطيك أمثلة : هلأ هنن بيقولولهون غرب .. بس نحنا بيقولولنا عرب
:: و الفرق بيناتنا نقطة ::
هنن صارو شعب الله المختار ، نحنا صفينا شعب الله المحتار
:: و الفرق بيناتنا نقطة ::
هنن بيفكرو بإستقلال الشعوب ونحنا منفكر بإستغلال الشعوب
:: و الفرق بيناتنا نقطة ::
يا سيدي هنن قدرو يعملو بين بعضون تحالف ، بس نحنا العرب عملنا بينات بعضنا تخالف
:: و الفرق بيناتنا نقطة ::
هلق هنن عندون المواطن وضعو 100% مزبوط ، بس المواطن عنا وضعو 100% مربوط
:: و الفرق بيناتنا نقطة ::
يا سيدي هنن إذا صار غلط بحياتون بيدورو على حكوماتون وبيعملولها إحراج ، أما نحنا إذا صار شي منسكت ومناكل هوا والحكومة بتعمل للغلط إخراج
:: و الفرق بيناتنا نقطة ::
أصلاً أنت بتعرف ليش وصلنا لهلحالة ؟
ليش ؟
لأنو هنن بيتفاهمو بينات بعضون بالحوار ، بس نحنا منتفاهم بينات بعضنا بالخوار
:: و الفرق بيناتنا نقطة ::
و مواطنونهون وصلوا لمرحلة الحصانة ، بينما نحنا مواطنونا لسعتون عم يعيشوا مرحلة الحضانة
:: و الفرق بيناتنا نقطة ::
منقول

[georgette]

بالفعل الفرق نقطة واي فرق
تشكر حلوة كتير كتير

[الياس زاديكه]

إي والله ياأختي مافي غير نفطة يعني نقطة بينن

[بهيجة كبرو اسحق]

سلمت يداك اخ الياس على الموضوع الجميل وهو
الفرق بس نقطة

والنقطة كبيرة وبتغير كتيررررررررر وبنقول نقطة

[fouadzadieke]

حلوة يا الياس والنقطة تفعل فعلها هنا وهو فعل كبير كما رأينا.

[SamiraZadieke]

صغير وفعلو كبير...حلوة كتير ومية بالمية كل شي مظبوت !!! عجبتني كتير ..يعطيك العافية
تعرف تنقي المواضيع الحلوة!!

[Fahmi Wiedmann]

كلمات حلوة يا أخي بالفعل الفرق كتيييييير كبير وأنا موافق 90 % لأن نقطة واحدة غير صحيحة:
الغرب ليس شعب الله المختار وانما شعب اسرائيل - شئنا أم أبينا - هذا ما يقوله الأنجيل واسرائيل بلد شرقي وليس غربي.
تشكر على النص ففيه الكثير من العظة.
اخوك فهمي

[الياس زاديكه]

أحبكم أكثر من نفسي ياإخوتي ويزداد حبي لكم عندما أسمع ردودكم الجميلة على مواضيعي .
أشكركم جميعا ياأحبائي .وأنت ياأستاذتي بهيجة شخصا مننا وفينا .

[دكتور سهيل]

مشكور استاذ الياس
الفروقات كبيرة وكبيرة جدا ....
ولكن مايميز الغرب عنا هو احترام الموعد قبل كل شئ
اشكرك

[الياس زاديكه]

أشكرك يادكتور سهيل على مرورك اللطيف وإطراءك الجميل .
فعلا الفرق هويه عبارة عن نقطة ، بس الله إيخرب بيت هيك نقطة سوت بحور فرق ههههه