في وحده حلوه

[fouadzadieke]

في وحده حلوه

على ألحان أغنية " يا ناس الدنية دولاب" للمطربة صباح



في وحده حلوه يا ناسْ
ما بريدا تبعدْ عنّي
كلْما ضيّفتا من كاسْ
تشرب عم بتجنّني
شوفتها متعة وإحساسْ
وخايف إنْها تتركني
شدّتْ عقلي وكلّ الرّاسْ
وعمْ تستنّى تقتلني
يا هالحلوة بنت الناسْ
صيري وردة تحضنّي
شوفي وضعك بالآساسْ
صرتي مقطوعة منّي
لو رحتي وخلّيتي الطاسْ
وما رجعتي تاني تغنّي
رح بطّلْ اكتب إحساسْ
وأشعار تفرجي فنّي
إنت الحلوة بالأنفاسْ
وخلّيكي هون استنّي!

[جان استيفو]

استاذي العزيز

يسلموا ..... يسلموا ..... يسلموا

[ibtisam]

كيف راح تبعد هالحلوة لما تسمع هيك شعر حلو منك- ترقص فرحا وسرورا - وتتمايل غرورا فهي الاحلى بعيون شاعرها
كلماتك حلوة جدا استاذ فؤاد يسلمو ايديك هيك سمعنا دايما من هالكلام الحلو
محبتي
ابتسام

[fouadzadieke]

عزيزي فناننا الراقي جان لك كل الشكر ودمت لنا ولجمهورك وفنك الجميل.

أما أنت يا أختنا ابتسام فأشكر لك هذا التعليق الجميل النابع من القلب وأرجو أن نرى المزيد من ابداعاتك ونعيش لحظات تألقك إلى جانب بقية إخوتك وأخواتك.

[georgette]

ليش لا يا ابو الغوالي مين يطلعلو يتهنا مو هيك مرة اخوي
حلوة كتير وجربتو اغنيها ظبتت مع اللحن
يسلمو ايديك

[الياس زاديكه]

هنيالا

[fouadzadieke]

جورجيت والياس شكراً لكما على المشاركة

[SamiraZadieke]

في واحد اسمو فؤاد
رايح جاي بغني
يرسم يكتب بالمداد
عالحلوة وهيي تغني
كلام حلو وغنوية أحلى تسلم يارب
سميرة

[fouadzadieke]

شكراً لمرورك يا سميرتي ولشعرك الجميل وتشجيعك

[عماد غريب]

:) يا ابو وسيم يا معلم .......انا منك شوي شوي اتعلم
وعليك ما فيني اتزلم ......لان وحدك انت تتكلم
ربنا يطول عمرك وتقدم ....بشانا الشعر الحلو وململم

[fouadzadieke]

تسلم يا طيّب يا ابن الأصول كلامك عالراس والعين وفيك كل البركة ونحنه فخورين جدا بك ومبسوطين لوجودك بيناتنا وقد حرّكت الديوان يا فارس الزمان.