حلقة زجل

[fouadzadieke]

حلقة زجل فيها غزل

أعزائي عشاق ومحبّي نظم الزجل تعالوا في هذه الزاوية نتغزل باسم المطربة المحبوبة (نجوى كرم) وليعبّر كلّ منكم زجلا عن مشاعره تجاهها وتجاه فنها وهي زاوية مفتوحة, واسمحوا لي أن أبدأ أولا:

نجوى لقلب العاشقين شراع .. لفتحلا قلبي عالوعد شرّاع

كنّي بهواها منعقد بشراع .. يا ربّي تطفي لوعة الأحباب

[الياس زاديكه]

يانجوى والفؤاد منكوي بنارك ........ لا تحرمي عاشق مغرم بأنغامك
أنتي المنى ماراح أترك حدا قبالي ......... ياخدك مني واصيح أنا ياغالي

[fouadzadieke]

ما في حدا يقدر على أخدا .. هيّ إلي بجنينتا وخدّا

ما بيستجر غافل على صدّا .. روحي رهينة محبسا وقدّا.

[الياس زاديكه]

إبتعد عنها يالي أنت إسمك شو ............ هي حبي ودنيتي عالمكشوف
راح تسيبك وتجيني راح بتشوف ............ وتتركك وانتي ضهرك معكوف

[fouadzadieke]

عمري وحياتي مِنكسف .. ضهري قوي ما بينعكف


لو ردتْ تعرف مِنْ انا .. اسأل نساوين العطف


هنّن بيجوني عالهوا .. وحدة ورا وحدة تقف.

[الياس زاديكه]

نجوى هي أصل الكرم ........... إسمها نجوى كرم
هي يالي أنا بها مغرم ............ وماتبقى لك.. الله أكرم
عنك مش سامع حدا ........... لا تدعي بأقوالك عن الهوى
نجوتي لي وحدي أنا ............ إسألها بتخبرك من أنا

[fouadzadieke]

بفنّك يا نجوى يا كرم .. فاض الغنا وكلّو كرم

نيّال من ضحكتْ إلو .. غمزات عينك تبتسم

بسمع هديلك بانشرح .. والقلب مغمور بنغم

ألله زيّنلك غصن .. بمحبّة الناس انرسم

يا ليل منّك غنوتو .. يمسح حزن يشفي ألم.

[الياس زاديكه]

يانجوتي المغردة في حقولي ........... هل تسمعين مناجاة شجوني
حشائش صدري منكي ترتوي ........... لا تبخلي بماءكي بالسقي
كي لا يموت ولا ينطوي ........... هو وسادتكي وعليه نامي

[fouadzadieke]

الياس ما عندك أمل .. في نجوتك ضاقت حيل

إنتا بهمّك تكتوي .. وهيّ ولا بفكرا عمل

صوبك تجي حاجه بقا .. تحرق حياتك بالغزل

تحلم وحلمك بالهوا .. تطمع بشي وصلة قبلْ

خلّي غرامك يا بطل .. يرحل عن القلب بعجلْ

ما هي إلّك لا هي إلي .. نحنا دراويش الأمل

هيّ على علوالسّما .. ونحنا بأعماق الخجل.

[الياس زاديكه]

يالي بيحب مابعرفش الخجل .......... باخد منها موعد عالعجل
وراح بتشوف أنت يابطل ........... أنا ما بفقد أبدا الأمل
يافؤاد أنت راح تنتظر .......... من الصباح لحتى العصر
يكفى تهجمك عالأمير .......... مانك قدو بالتدبير

[fouadzadieke]

لو كان في عندك أملْ .. أو كان في شويّة (بصلْ)

روح الحقا يالاّ عجلْ .. فرجينا فنّك يا بطلْ

يمكن خجل يمكن فجلْ .. والبهدلة وكومة زبلْ

هيّ حبيبي علمهلْ .. عم ترتخي متل الحجلْ

مو بين إيدين البطلْ .. الياس بطّل هالغزلْ

[الياس زاديكه]

رحت عالطبيب قالي مالك أمل ............... إلحق بنجوى هي الأمل
نظرة عيونها متل السهام ............... بتصيب القلب وتداوي ألأنام
حبيبي الغزل ماهوش كلام ............... أنا بسقيه كي لا يغفو وينام
تدعي إني مبطل هالكلام ............... لا...فؤادي ألو عندي أكبر مقام

[Fadi]

هيهات يابو الزلف نجوى شمس الغنية ..... صوتها رقة وطرب وكلو دفا وحنية
مع صوتها يحلا السمر و تعمر السهرية ..... كلو مواسم عز وبيادر فرح مضوية
لعيونا كتب فؤاد الزجل وطيّرو ببرقية ..... والياس حامي الحمى غار وشرب الفية
والشباب ماعندن علم ولا وصلتن خبرية .... نجوى من يوم يومها عند فادي ملفية

[الياس زاديكه]

طاب الزجل والله طاب ............ بحضور فادينا الحباب


عشت يافتى ياطيب بهل ضهرية ................ كلامك زين بيفتح الشهية
نجوى جوات عيوني الإتنين ................ مكانها ومطرحها عالعين

[Fadi]

يا صبّابين الشاي زيدو حلاتو ..... ويا كتّابين الزجل كترو ابياتو
نجوى بدها فارس كريمة دياتو ..... لوحدو بس تغني وتحلف بحياتو

[الياس زاديكه]

نجوى متل النور بتضوي بالليليه ................ وبترقص الناس على أحلى غنيه
مابتكتفي من لصبح للمسويه ................ ونبرة صوتها كله حنيه
بشرب الخمر وبسمعها غنيه ................ لا بختمر وبنام وبصحى أو هيه هيه
آخ يافادي لو عارف شو عاملة بيه .............. كان عذرتني وقلت ألياس خطيه

[SamiraZadieke]

الله الله زيدو من هالزجل*****نجوى بتستاهل وفيها الأمل
ايديكن مابتطالا بس عالمهل**** راح تيجي للبيحبا واليتفنن بالغزل

[fouadzadieke]

يا فادينا ويا الياس .. وينا نجوى و وين إنتو
كلها حنية و إحساس.. قبل شويّة تلفنتو
رد واحد من بين الناس .. قاللي هيّة معلّمتو
وقال خبّر فادي والياس .. راح يبعت عنها بنتو
ولو صرّيتن علشي كاس .. منها شرفوا علبيتو.

[الياس زاديكه]

لك وينكم يافادي وفؤاد ..... نجوى عم تطرق عالباب
عايزه تجرب هالشباب ..... وترميهم واحد واحد بالسرداب
نجوى هي ست الأحباب ..... ماجاني منها لاسلام ولا جواب
كل ما أدق عليها الباب ..... بتقول : أنقلع أنا بدي أخوك فؤاد

[georgette]

فكرة حلوة
انا بصراحة الي رائي تاني واسمحولي اعبر عنو من غير زعل
-------------------------------------------------
نجوى حلوة وامورة ----- صوتها متل السنورة
ذكية محندقة شطورة ----- علقت دينها عالسبورة
باعت ربها والمسيح ----- وزتت قلبها والمفاتيح
ربي زيدها تفاريح ------ وطيرها عامواج الريح
خلي الشهرة والمال ------ يهدولها كيانها والحال
انشالله وبقوة العدرا ----- الايام تكون الها عبرة

[Malki Morad Herdan]

نجــوى حـلوة وامـــورة
صوتها مـتل الســنورة؟

نجـوى حـلــوه وامـورة
صوتـا مـتـل السّـنيورة
مـا بيـاكـل البـطـاطــــا
إلاّ و كـتـشـب بَـنْـدوره
* * *
عبـيصرّخ علـى عَـون
قـَــــرِّبْ تـعــا لـهَـــوْن
بَـدّي تقـلّـي شوصرلك
مفـكّر حالك رب الكون
.

[الياس زاديكه]

لاتحكوا على نجوى هي أغلى الناس
دقيت على بابها بدي أشرب كاس
طلبت منها بوسه قالت في عندي ناس
ضاقت الدنيا فيني وفقدت الإحساس
تمنيت لو ضربت برأسها شي فاس
وخليتها تطلع وتبقى دائما عالمعاش

[الياس زاديكه]

لك وينكم يافادي ويافؤاد
نجوى بلعت حتى اللعاب
بتصيح وين فادي وين فؤاد
ألحقوها قبل ماتسكر الباب
بشاني قالت : ألياس مانك شباب
ماعطتني بوسيه وسكرت فوجي الباب
بدها من يعرف إلعبها ألعاب
مافي حدا قدكم أنتو ياشباب

[Fadi]

نجوى كرم من زجلنا راسا برم
ومن يوما صارت تنام جنب الهرم
تغني هالمواويل وتصيح من الألم
وينك فؤادي بعدك عمري كلو ندم

[الياس زاديكه]

خليها تفيق من غفوتها
باعت دينها وديورتها
راح نكتب عنها وفيها
زجل وغزل لنرويها

[Fadi]

لاتشغل روحك فيها ... اللي فيها مكفيها

عجرم داست فجوفا ونقّصت مصاريها

[الياس زاديكه]

جسمها متل الكرسبانه
وعيونها كلهن جربانه
وديوسها بندره معصوره
وخدودها تفاح خربانه
نجوى يانجوى ياخرسانه
راح بتضلي كل العمر ندمانيه

[Fadi]

نجوى المسكينة لوج الصبح سهرانة
حرارتها مرتفعة بس من جوى بردانة
تصرخ وتقول يا ألياسي والله ندمانة

[الياس زاديكه]

نجوى مابدها ألياس ياغالي
تعال لعندي راح أشكيلك حالي
قالت : ختيار ألياس هادا مايحلالي
بدي شباب ترقصني وتسمع موالي

[الياس زاديكه]

لك ليه هربتن وتركتن نجوى
عم تبكي وتصيح مافي جدوى
أرحموها وأعطوها شي قطرى
لا تنتعش وتشيل من قلبها الحسرى