ابو سومر
27-11-2010, 07:30 PM
برنامج هلا بيك ...... انا وانت على الهوا
ـ اهلاً وسهلاً بالشباب
ـ يا عم نحن من تلفزيون ( هلا بيك ) برنامج...( انا وانت عالهوا )
ـ إذا هيك بسيطة ...انشالله خير ...في شي؟... بدكم شي؟ لازمكم شي..؟؟
ـ بدنا ندردش شوي معك...إذا ما عندك مانع ؟ وبتطلع مباشرة عالهوى ... وبيشوفوك المشاهدين ومنهم أهلك
ـ إذا هيك بسيطة ... بس أنا جاهل... وما بعرف شي.... يعني لا تسألوني أسئلة صعبة...وبس ..دبلشو بالتسجيل ما تقولولي بلشنا خلوها مفاجأة... لأنه أنا باستحي قدام الكاميرا...هاي أول مرة بسجل برنامج ماعندي خبرة
ـ لا..لا.. اسئلة عادية بما أنك انت راعي... فراح تكون الأسئلة عن الرعي وعن غنماتك... وعن الحليب واللبن والصوف... بهالمجال يعني...وما راح نقلك أنه بلشنا..راح نترك الشغلة على اساس انها مزحة..!!
ـ إذا هيك بسيطة...في أحتمالات..؟
ـ لا أسئلة مباشرة وبسيطة
ـ إذا هيك بسيطة...بس ما بعرف غني.. بعرف أعزف عالناي
ـ كثير حلو.. بآخر البرنامج نطلب منك شوي تعزف عالناي
ـ إذا هيك بسيطة.... بس الناي مو معي بالبيت... والبيت بعيد
ـ طيب بلاها... راح نلغي فقرة الناي
ـ طيب إذا هيك بسيطة...بعرف قلد صوت كل الحيوانات...
ـ كثير حلو لكن بآخر البرنامج نطلب منك تقلد صوت الديك
ـ إذا هيك بسيطة...بس صوت الديك صعب لأنه انا هلق فطرت ياريت لو جيتو قبل الفطور لأنه صوت الديك ما بيطلع معي الا عالريق
ـ طيب بلاها.... بلا الديك..... صوت الدجاج !!
ـ إذا هيك بسيطة...
ـ يالله نبلش...جهز حالك...رتب حالك شوي...أعمل أحم..أحم...حتى ينظف حلقك ويطلع صوتك واضح
ـ يالله إذا هيك بسيطة...بس ماراح قلد صوت الدجاج...ما عليش اسمحولي..لأنه الدجاج أنثى...عيب
ـ طيب بلاها...بلا تقليد الأصوات راح نكتفي بالأسئلة بس
ـ إذا هيك بسيطة......إذا بدكم بعرف قول شعر !!
ـ شعر..!! حلو لكن بآخر البرنامج نطلب منك تسمعَّنا شوية شعر...
ـ إذا هيك بسيطة.....
ـ الأسم بالخير عم..
ـ بالبيت بينادوني.(.دبور)...بس رفقاتي بينادوني ( دبور)...بس لما كنت صغير كانوا يدلعوني ... ويقولولي ( دبور ) انتو بدكم الأسم بالهوية والا مثل ماهو مكتوب بالنفوس ؟؟
ـ نعم بالهوية ...بدنا اسمك مثل ماهو مسجل بالهوية
ـ بالهوية... ( دبور )....
ـ وبالنفوس ؟؟
ـ بالنفوس !!...(دبور) ...بس بدفتر العائلة وبطاقة الأنتخاب مكتوب ( دبور )
ـ أبو شو بلا صغرى..؟؟
ـ بالهوية والا بالنفوس..؟؟!
ـ بالهوية
ـ بالهوية (دبور ) لأنه بالهوية ما بيكتبوا أسم الولد
ـ وبالنفوس؟؟
ـ بالنفوس ( دبور ) بس بدفتر العائلة وبطاقة الأنتخابات...( دبور )... ما كاتبين اسم الولد
ـ ليش شو أسم ابنك الكبير ؟؟
ـ بالهوية والا بالنفوس ؟؟
ـ بالهوية !!
ـ لا بعد مافي هوية... بس بالنفوس وبطاقة العائلة.. وبطاقة الأنتخابات... بعد مافي
ـ ليش هو شو اسمه
ـ مين ؟
ـ ابنك الكبير ؟
ـ الصبي والا البنت ؟
ـ الصبي؟؟
ـ أنا ما عندي صبيان !!
ـ طيب البنات
ـ البنات الكبيرة والا الصغيرة ؟؟
ـ الكبيرة..؟؟
ـ الله يطعمكم بنين وبنات أنا ماعندي ولاد !!
ـ الله بعد ما رزقلك ولاد ؟؟
ـ لا والله !!
ـ إيه بسيطة عم... الله يرزقك إنشالله...وشو السبب منك والا من زوجتك العطل ؟؟
ـ لا والله لا مني ولا من زوجتي...مافي نصيب
ـ وما عرضتوا حالكم على شي دكتور ؟؟
ـ أنا والله عرضت حالي على أكثر من دكتور وقالي أنت مثل النمر صحتك... دقوا عالخشب
ـ معناها... العلة بزوجتك !!
ـ والله هيك ما بعرف !!
ـ وقديش صارلكم متزوجين ؟؟
ـ مين ؟؟
ـ انت ؟
ـ أنا بعد ما تزوجت... ما صار نصيب !!
ـ يا عم الله يخليك ركز معي...جاوب على قد السؤال... وحاجى ضيعنا
ـ إيه إذا هيك بسيطة ... بس أنا ماراح قول شعر...لأنه الشعر بدو تركيز
ـ ايه أوكى راح نلغي فقرة الشعر بلاها
ـ إيه إذا هيك بسيطة.....إذا بد كم...بحكي لغات أنا بعرف كثير لغات !!
ـ حلو لكن بنهاية البرنامج... بتحكيلنا... شوية هندي
ـ إيه إذا هيك بسيطة...بس هندي ما بعرف ... بحكي تركي ارمني فارسي كردي
ـ أوكى... بنطلب منك تحكيلنا شوي فارسي
ـ إذا هيك بسيطة... بس فارسي ما بعرف كثير... نسيتها
ـ يالله بلاها فقرة اللغات بنلغيها
ـ ايه إذا هيك بسيطة
ـ عم اي ساعة الصبح بتجيب غنماتك عالمرعى ؟
ـ أي منهم السود والا البيض؟
ـ البيض ؟؟
ـ البيض والله تقريباً الساعة خمسة الصبح
ـ والسود ؟؟
ـ السود يا سيدي يعني فيك تقول تقريباً الساعة خمسة الصبح
ـ كم لتر حليب بيعطوك باليوم ؟
ـ أي منهم السود والا البيض؟
ـ البيض ؟
ـ البيض 75 لتر تقريباً
ـ والسود ؟
ـ السود يا سيدي يعني فيك تقول 75 لتر تقريباً باليوم
ـ اي ساعة ترجعهم للبيت المساء؟؟
ـ أي منهم البيض والا السود ؟
ـ البيض ؟
ـ البيض الساعة 7 المساء
ـ والسود ؟
ـ السود يا سيدي يعني فيك تقول الساعة 7 المساء
ـ وأي ساعة بتعشيهم ؟
ـ اي منهم البيض والا السود ؟
ـ البيض؟
ـ البيض الساعة 8.30 العشية
ـ والسود ؟
ـ السود يا سيدي فيك تقول تقريباً الساعة 8.30 العشية
ـ ياعم ركز معنا شوي والله هلكتنا... ليش كلما عم بسألك سؤال بتسألني البيض والا السود ؟
ـ لأنه يا ابن أخوي البيض الي
ـ والسود ؟
ـ السود................. كمان الي
أعزائي المشاهدين كنا معكم عالهوى من تلفزيون ( هلا بيك ) وحلقة جديدة من برنامج ( أنا وانت عالهوى )
نشكر إ صغائكم .. والى اللقاء في حلقة مقبلة
ـ يالله فيكم تبلشوا أنا جاهز....إذا هيك بسيطة ...وبعرف قلد حركات كل الحيوانات !!
ـ يا عم خلصت الحلقة....وكنا عالهوى طلَّع بالكاميرا وقلون صباح الخير يا ............... جزيرتنا السورية
:d تحياتي القلبية :d
ـ اهلاً وسهلاً بالشباب
ـ يا عم نحن من تلفزيون ( هلا بيك ) برنامج...( انا وانت عالهوا )
ـ إذا هيك بسيطة ...انشالله خير ...في شي؟... بدكم شي؟ لازمكم شي..؟؟
ـ بدنا ندردش شوي معك...إذا ما عندك مانع ؟ وبتطلع مباشرة عالهوى ... وبيشوفوك المشاهدين ومنهم أهلك
ـ إذا هيك بسيطة ... بس أنا جاهل... وما بعرف شي.... يعني لا تسألوني أسئلة صعبة...وبس ..دبلشو بالتسجيل ما تقولولي بلشنا خلوها مفاجأة... لأنه أنا باستحي قدام الكاميرا...هاي أول مرة بسجل برنامج ماعندي خبرة
ـ لا..لا.. اسئلة عادية بما أنك انت راعي... فراح تكون الأسئلة عن الرعي وعن غنماتك... وعن الحليب واللبن والصوف... بهالمجال يعني...وما راح نقلك أنه بلشنا..راح نترك الشغلة على اساس انها مزحة..!!
ـ إذا هيك بسيطة...في أحتمالات..؟
ـ لا أسئلة مباشرة وبسيطة
ـ إذا هيك بسيطة...بس ما بعرف غني.. بعرف أعزف عالناي
ـ كثير حلو.. بآخر البرنامج نطلب منك شوي تعزف عالناي
ـ إذا هيك بسيطة.... بس الناي مو معي بالبيت... والبيت بعيد
ـ طيب بلاها... راح نلغي فقرة الناي
ـ طيب إذا هيك بسيطة...بعرف قلد صوت كل الحيوانات...
ـ كثير حلو لكن بآخر البرنامج نطلب منك تقلد صوت الديك
ـ إذا هيك بسيطة...بس صوت الديك صعب لأنه انا هلق فطرت ياريت لو جيتو قبل الفطور لأنه صوت الديك ما بيطلع معي الا عالريق
ـ طيب بلاها.... بلا الديك..... صوت الدجاج !!
ـ إذا هيك بسيطة...
ـ يالله نبلش...جهز حالك...رتب حالك شوي...أعمل أحم..أحم...حتى ينظف حلقك ويطلع صوتك واضح
ـ يالله إذا هيك بسيطة...بس ماراح قلد صوت الدجاج...ما عليش اسمحولي..لأنه الدجاج أنثى...عيب
ـ طيب بلاها...بلا تقليد الأصوات راح نكتفي بالأسئلة بس
ـ إذا هيك بسيطة......إذا بدكم بعرف قول شعر !!
ـ شعر..!! حلو لكن بآخر البرنامج نطلب منك تسمعَّنا شوية شعر...
ـ إذا هيك بسيطة.....
ـ الأسم بالخير عم..
ـ بالبيت بينادوني.(.دبور)...بس رفقاتي بينادوني ( دبور)...بس لما كنت صغير كانوا يدلعوني ... ويقولولي ( دبور ) انتو بدكم الأسم بالهوية والا مثل ماهو مكتوب بالنفوس ؟؟
ـ نعم بالهوية ...بدنا اسمك مثل ماهو مسجل بالهوية
ـ بالهوية... ( دبور )....
ـ وبالنفوس ؟؟
ـ بالنفوس !!...(دبور) ...بس بدفتر العائلة وبطاقة الأنتخاب مكتوب ( دبور )
ـ أبو شو بلا صغرى..؟؟
ـ بالهوية والا بالنفوس..؟؟!
ـ بالهوية
ـ بالهوية (دبور ) لأنه بالهوية ما بيكتبوا أسم الولد
ـ وبالنفوس؟؟
ـ بالنفوس ( دبور ) بس بدفتر العائلة وبطاقة الأنتخابات...( دبور )... ما كاتبين اسم الولد
ـ ليش شو أسم ابنك الكبير ؟؟
ـ بالهوية والا بالنفوس ؟؟
ـ بالهوية !!
ـ لا بعد مافي هوية... بس بالنفوس وبطاقة العائلة.. وبطاقة الأنتخابات... بعد مافي
ـ ليش هو شو اسمه
ـ مين ؟
ـ ابنك الكبير ؟
ـ الصبي والا البنت ؟
ـ الصبي؟؟
ـ أنا ما عندي صبيان !!
ـ طيب البنات
ـ البنات الكبيرة والا الصغيرة ؟؟
ـ الكبيرة..؟؟
ـ الله يطعمكم بنين وبنات أنا ماعندي ولاد !!
ـ الله بعد ما رزقلك ولاد ؟؟
ـ لا والله !!
ـ إيه بسيطة عم... الله يرزقك إنشالله...وشو السبب منك والا من زوجتك العطل ؟؟
ـ لا والله لا مني ولا من زوجتي...مافي نصيب
ـ وما عرضتوا حالكم على شي دكتور ؟؟
ـ أنا والله عرضت حالي على أكثر من دكتور وقالي أنت مثل النمر صحتك... دقوا عالخشب
ـ معناها... العلة بزوجتك !!
ـ والله هيك ما بعرف !!
ـ وقديش صارلكم متزوجين ؟؟
ـ مين ؟؟
ـ انت ؟
ـ أنا بعد ما تزوجت... ما صار نصيب !!
ـ يا عم الله يخليك ركز معي...جاوب على قد السؤال... وحاجى ضيعنا
ـ إيه إذا هيك بسيطة ... بس أنا ماراح قول شعر...لأنه الشعر بدو تركيز
ـ ايه أوكى راح نلغي فقرة الشعر بلاها
ـ إيه إذا هيك بسيطة.....إذا بد كم...بحكي لغات أنا بعرف كثير لغات !!
ـ حلو لكن بنهاية البرنامج... بتحكيلنا... شوية هندي
ـ إيه إذا هيك بسيطة...بس هندي ما بعرف ... بحكي تركي ارمني فارسي كردي
ـ أوكى... بنطلب منك تحكيلنا شوي فارسي
ـ إذا هيك بسيطة... بس فارسي ما بعرف كثير... نسيتها
ـ يالله بلاها فقرة اللغات بنلغيها
ـ ايه إذا هيك بسيطة
ـ عم اي ساعة الصبح بتجيب غنماتك عالمرعى ؟
ـ أي منهم السود والا البيض؟
ـ البيض ؟؟
ـ البيض والله تقريباً الساعة خمسة الصبح
ـ والسود ؟؟
ـ السود يا سيدي يعني فيك تقول تقريباً الساعة خمسة الصبح
ـ كم لتر حليب بيعطوك باليوم ؟
ـ أي منهم السود والا البيض؟
ـ البيض ؟
ـ البيض 75 لتر تقريباً
ـ والسود ؟
ـ السود يا سيدي يعني فيك تقول 75 لتر تقريباً باليوم
ـ اي ساعة ترجعهم للبيت المساء؟؟
ـ أي منهم البيض والا السود ؟
ـ البيض ؟
ـ البيض الساعة 7 المساء
ـ والسود ؟
ـ السود يا سيدي يعني فيك تقول الساعة 7 المساء
ـ وأي ساعة بتعشيهم ؟
ـ اي منهم البيض والا السود ؟
ـ البيض؟
ـ البيض الساعة 8.30 العشية
ـ والسود ؟
ـ السود يا سيدي فيك تقول تقريباً الساعة 8.30 العشية
ـ ياعم ركز معنا شوي والله هلكتنا... ليش كلما عم بسألك سؤال بتسألني البيض والا السود ؟
ـ لأنه يا ابن أخوي البيض الي
ـ والسود ؟
ـ السود................. كمان الي
أعزائي المشاهدين كنا معكم عالهوى من تلفزيون ( هلا بيك ) وحلقة جديدة من برنامج ( أنا وانت عالهوى )
نشكر إ صغائكم .. والى اللقاء في حلقة مقبلة
ـ يالله فيكم تبلشوا أنا جاهز....إذا هيك بسيطة ...وبعرف قلد حركات كل الحيوانات !!
ـ يا عم خلصت الحلقة....وكنا عالهوى طلَّع بالكاميرا وقلون صباح الخير يا ............... جزيرتنا السورية
:d تحياتي القلبية :d